10/05/2021 14:24 GMT+7 Email Print Like 0

ពិធីត្រួតពល និងព្យុហយាត្រារំលឹកខួបទិវាជ័យជំនះនៅតាមទីក្រុងជាច្រើននៅសហព័ន្ធរុស្ស៊ី

ទិដ្ឋភាពពិធីព្យុហយាត្រា
 

ពិធីត្រួតពលប្រចាំឆ្នាំនៅទីលានក្រហមនៅរដ្ឋធានីម៉ូស្គូបានចាប់ផ្តើមនៅវេលាម៉ោង ១០ ព្រឹកថ្ងៃទី ៩ ខេឧសភា (ម៉ោងក្នុងតំបន់) ។ ទីក្រុងជិត ៣០ របស់រុស្ស៊ីក៏បានរៀបចំពិធីព្យុហយាត្រាដើម្បីរំលឹកខួបទិវាជ័យជំនះរបស់សូវៀតក្នុងសង្គ្រាមលោកលើកទី ២ ។

តាមផែនការ ក្នុងឆ្នាំនេះមានមនុស្សចំនួន ១២,៥ ពាន់នាក់និងគ្រឿងសព្វាវុធយោធាជាង ១៩០ នឹងចូលរួមក្នុងពិធីនេះ។ ជាពិសេស យន្តហោះនិងឧទ្ធម្ភាគចក្រចំនួន ៧៦ គ្រឿងនឹងធ្វើការ សម្តែងលើផ្ទៃមេឃនៃរដ្ឋធានីម៉ូស្គូ។

កាលពីថ្ងៃទី ៨ ខែឧសភា ប្រធានាធិបតីរុស្ស៊ី លោក Vladimir Putin ក៏បានផ្ញើសារអបអរសាទរដល់មេដឹកនាំនៃបណ្ដាប្រទេសនានាក្នុងប្លុកសហគមន៍បណ្ដាប្រទេសឯករាជ្យក៏ដូចជាពលរដ្ឋអ៊ុយក្រែនក្នុងទិវាជ័យជំនះ។

ប្រធានាធិបតីលោក Vladimir Putin បានអំពាវនាវដល់ប្រទេសនានា រួមគ្នាប្រយុទ្ធប្រឆាំងនឹងឧបាយកលមូលបង្កាច់ និងក្លែងបន្លំប្រវត្តិសាស្ត្រនៃសង្គ្រាមការពារមាតុភូមិដ៏មហិមាផងដែរ៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ