09/12/2019 12:15 GMT+7 Email Print Like 0

ប្រធានរដ្ឋសភា លោកស្រី Nguyen Thi Kim Ngan អញ្ជើញចាប់ផ្តើមដំណើរទស្សនកិច្ចផ្លូវការនៅសហព័ន្ធរុស្ស៊ីនិងសាធារណរដ្ឋបេឡារុស្ស


ប្រធានរដ្ឋសភា លោកស្រី Nguyen Thi Kim Ngan អញ្ជើញចាប់ផ្តើមដំណើរទស្សនកិច្ចផ្លូវការនៅសហព័ន្ធរុស្ស៊ីនិងសាធារណរដ្ឋបេឡារុស្ស
 

តបតាម​ការអញ្ជើញរបស់ប្រធានក្រុមប្រឹក្សាសហព័ន្ធរុស្ស៊ី V. Masvienko , ប្រធាន ឌូម៉ាជាតិនៃសហព័ន្ធរុស្ស៊ី V. Volodin, ប្រធានាធិបតីសាធារណរដ្ឋបេឡា រុស្សលោក Mikhail Myasnikovich និងប្រធានសភាតំណាង រាស្ត្រ​បេឡារុស្ស​ លោក Vladimir Andreichenko, នាថ្ងៃទី ៨ ខែធ្នូ ប្រធានរដ្ឋសភាវៀតណាម លោកស្រី Nguyen Thi Kim Ngan បានអញ្ជើញដឹកនាំគណៈប្រតិភូជាន់ខ្ពស់រដ្ឋសភា វៀតណាមចាកចេញពីទីក្រុងហាណូយ ចាប់​ផ្តើម​ដំណើរ​បំពេញ​ទស្សនកិច្ចផ្លូវការនៅសហព័ន្ធរុស្ស៊ី ចាប់ពីថ្ងៃទី ៨ ដល់ថ្ងៃទី១១ ខែធ្នូ និងសាធារណរដ្ឋបេឡារុស្ស ចាប់ពីថ្ងៃទី ​១២ ដល់ថ្ងៃទី ១៤ ឆ្នាំ ២០១៩។

នេះជាដំណើរ​ទស្សនកិច្ចជាផ្លូវការលើកដំបូងនៅសហព័ន្ធរុស្ស៊ី របស់លោកស្រី Nguyen Thi Kim Ngan ក្នុងនាម​ជា​ប្រធាន​រដ្ឋសភាវៀតណាម។
 
នៅក្នុង​បទសម្ភាសន៍ជាមួយកាសែតសភានៃសហព័ន្ធរុស្ស៊ី ស្តីពីគោលបំណង​នៃដំណើរ​ទស្សនកិច្ច​និង​ទំនាក់​ទំនង​រវាង​ប្រទេសទាំងពីរនោះ ប្រធានរដ្ឋសភាវៀតណាម លោកស្រី Nguyen Thi Kim Ngan បានមាន​ប្រសាសន៍​ថា​ ដំណើរទស្សនកិច្ចនេះគឺមានសារៈសំខាន់ណាស់ ក្នុងគោលបំណង ជំរុញថែមទៀត​ទំនាក់​ទំនង​ភាព​ជាដៃគូយុទ្ធសាស្ត្រ​គ្រប់ជ្រុងជ្រោយរវាងវៀតណាមនិងស​ហព័ន្ធរុស្ស៊ី ព្រមទាំង​ពង្រឹង​កិច្ច​សហប្រតិបត្តិការ រវាង​នីតិប្បញ្ញត្តិនៃ​ប្រទេសទាំងពីរ។
 
ក្នុងដំណើរទស្សនកិច្ច​នេះ ប្រធានរដ្ឋសភាលោកស្រី Nguyen Thi Kim Ngan និងថ្នាក់ដឹកនាំ​ជាន់ខ្ពស់​នៃសហព័ន្ធ​រុស្ស៊ីនឹងជួបពិភាក្សាដើម្បីផ្លាស់ប្តូរយ៉ាងស៊ីជម្រៅនូវ ទំនាក់ទំនងរវាងប្រទេសទាំងពីរលើគ្រប់វិស័យ ជាក់ស្តែងគឺកិច្ច​សហប្រតិបត្តិការនយោបាយ ការទូត សេដ្ឋកិច្ច ពាណិជ្ជកម្ម ការពារជាតិ សន្តិសុខ វិទ្យាសាស្ត្រ បច្ចេក វិទ្យា​ អប់រំ - បណ្តុះបណ្តាលនិងវិស័យសក្តានុពលជាច្រើនទៀត។ ប្រធានឌូម៉ាជាតិរុស្ស៊ី V. Volodin និងប្រធាន​រដ្ឋសភា លោកស្រី Nguyen Thi Kim Ngan នឹងអញ្ជើញ​ចូល​រួម​កិច្ច​ប្រជុំ​លើក​ដំបូង​នៃគណៈ​កម្មាធិការ​សហប្រតិបត្តិការអន្តរសភា រវាងរដ្ឋសភា វៀតណាមនិងឌូម៉ាជាតិសហព័ន្ធរុស្ស៊ីផងដែរ។
 
អញ្ជើញវាយ​តម្លៃអំពីទំនាក់ទំនងវៀតណាម - រុស្ស៊ី ប្រធានរដ្ឋសភាលោកស្រី Nguyen Thi Kim Ngan បានចាត់​ទុក​ថា ​ទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវា​ងវៀតណាមនិ​ង​សហព័ន្ធរុស្ស៊ី កំពុង​ស្ថិត​ក្នុង​ដំណាក់​កាល​អភិវឌ្ឍន៍ល្អប្រសើរលើគ្រប់វិស័យ។ ដើម្បីពង្រឹងនិងពង្រីកនូវទំនាក់ទំនងនេះ ភាគីទាំងពីរ​ចាំ​បាច់​​បន្ត​រក្សាការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសថ្នាក់ខ្ពស់ ដោយធ្វើការ​​យ៉ាងជិត​ស្និទ្ធ​ដើម្បី​បើក​ចេញ​ឱកាស ក៏ដូចជាដោះស្រាយរាល់បញ្ហាជំពាក់ជំពិន។ ជាពិសេស គាំទ្រគ្នាទៅវិញទៅមក នៅ​បណ្តា​វេទិកាព​ហុភាគី​ តំបន់និងអន្តរជាតិ ក៏ដូចជា ពិភក្សាគ្នាយ៉ាងយក​ចិត្ត​ទុក​ដាក់​លើបណ្តា​បញ្ហាដែល​ភាគី​ទាំងពីរ​មាន​ការ​យក​ចិត្ត​ទុកដាក់ដូចគ្នា៕

 

តាម VOV5 - វិទ្យុសំឡេងវៀតណាម​

បណ្តាព័ត៌មានបានផ្សាយ