នាព្រឹកថ្ងៃទី៣១ ខែកក្កដា ឆ្នាំ២០១៨ នៅវិមានប្រធានរដ្ឋ ប្រធានរដ្ឋវៀតណាម លោក Tran Dai Quang បានអញ្ជើញទទួលជួបជាមួយក្រុមការងារនៃគណកម្មការសេដ្ឋកិច្ចជប៉ុន-វៀតណាមចំណុះសហព័ន្ធអង្គការសេដ្ឋកិច្ចជប៉ុន (Kaidanren) ក្នុងឱកាស គណៈប្រតិភូមកបំពេញទស្សនកិច្ចជាផ្លូវការនៅវៀតណាម។
ទិដ្ឋភាពនៃជំនួប
នៅក្នុងជំនួបនេះ ប្រធានរដ្ឋ លោក Tran Dai Quang បានអះអាងថា វៀតណាមបានកំណត់ជប៉ុនជាដៃគូសំខាន់ យូរអង្វែងនិងមានបំណង រួមជាមួយជប៉ុន អភិវឌ្ឍន៍លើគ្រប់ជ្រុងជ្រោយនូវទំនាក់ទំនងយ៉ាងល្អប្រសើនេះ។ ប្រធានរដ្ឋ លោក Tran Dai Quang បានស្នើឲ្យ Keidanren បន្តរួមសហការ ពន្លឿនឲ្យសហគ្រាសជប៉ុន បន្តធ្វើការវិនិយោគលើបណ្តាវិស័យអាទិភាពនៅវៀតណាម ជាពិសេស លើបណ្តាវិស័យជប៉ុនកំពុងជួយឧបត្ថម្ភវៀតណាម ក្នុងយុទ្ធសាស្ត្រឧស្សាហកម្មភាវូបនីយកម្ម ក្នុងក្រខ័ណ្ឌនៃកិច្ចសហប្រតិបត្តិការវៀតណាម-ជប៉ុន ឆ្ពោះទៅឆ្នាម២០២០ ទស្សនៈវិស័យដល់ឆ្នាំ២០៣០។
លោក Kuniharu Nakamura ប្រធានគណកម្មការសេដ្ឋកិច្ចជប៉ុន - វៀតណាម បានអះអាងថា Keidanren នឹងបន្តរួមសហការជាមួយវៀតណាមក្នុងការអនុវត្តគោលគំនិតរួមវៀតណាម-ជប៉ុន តាមនោះ រួមចំណែកសំខាន់ទៅក្នុងការកែលំអបរិយាកាសវិនិយោគ ជម្រុញការទាក់ទាញប្រភពទុនវិនិយោគពីបរទេសមានគុណភាពខ្ពស់ចូលមកវៀតណាម៕
តាម VOV5 - វិទ្យុសម្លេងវៀតណាម
