ប្រធានរដ្ឋ លោក Tran Dai Quang អញ្ជើញទទួលជួបជាមួយេកអគ្គរដ្ឋទូតអាមេរិក ប្រចាំនៅវៀតណាម លោក Ted Osius មកជំរាបលាក្នុងឱកាសបញ្ចប់បេសកកម្មការទូតនៅវៀតណាម
នាព្រឹកថ្ងៃទី៣០ ខែតុលា ឆ្នាំ២០១៧ នៅទីក្រុងហាណូយ ក្នុងជំនួបទទួលជួបជាមួយ ឯកអគ្គរដ្ឋទូតអាមេរិកប្រចាំនៅវៀតណាម លោក Ted Osius មកជំរាបលាក្នុងឱកាសបញ្ចប់បេសកកម្មការទូត នៅវៀតណាមនោះ ប្រធានរដ្ឋវៀតណាម លោក Tran Dai Quang បានជូនពរចំពោះលោកឯកអគ្គរដ្ឋទូត ដែលបំពេញអាណត្តិបេសកកម្មការទូត ប្រកបដោយជោគជ័យនៅវៀតណាម។
លោក Tran Dai Quang មានបំណងថា ក្នុងដំណែងថ្មីជាអនុប្រធានមហាវិទ្យាល័យ Fullbright វៀតណាម លោកឯកអគ្គរដ្ឋទូតនឹងបន្ត រួមចំណែកទៅក្នុងការបណ្តុះបណ្តាលប្រភពធនធាន មនុស្សគុណភាពសម្រាប់វៀតណាម។ ទើបបានដឹងថា ឯកអគ្គរដ្ឋទូតថ្មីនៅវៀតណាម ត្រូវបានរដ្ឋសភាអាមេរិកអនុម័ត នឹងមកវៀតណាមមុននឹងប្រព្រឹត្តទៅសប្តាហ៍ជាន់ខ្ពស់ APEC ២០១៧ នោះប្រធានរដ្ឋ លោក Tran Dai Quang បានឲ្យដឹងថា វៀតណាមនឹងបង្កលក្ខណៈងាយស្រួល ឲ្យលោកឯកអគ្គរដ្ឋទូតមកជូនសារតាំងយ៉ាងឆាប់ៗ ដើម្បីទាន់ ទទួលគណៈប្រតិភូរបស់ប្រធានាធិបតីអាមេរិក លោក Donald Trump មកវៀតណាម ចូលរួមសន្និសីទជាន់ខ្ពស់ APEC ២០១៧ និងបំពេញទស្សនកិច្ចនៅវៀតណាម។ លោកប្រធានរដ្ឋជឿជាក់ថា ក្រោយដំណើរទស្សនកិច្ចនៅវៀតណាមលើកនេះ ទំនាក់ទំនងរវាងប្រទេសទាំងពីរ នឹងបានអភិវឌ្ឍន៍គួរឲ្យកត់សម្គាល់លើគ្រប់។
រីឯខ្លួនវិញ ឯកអគ្គរដ្ឋទូតអាមេរិក លោក Ted Osius បានជឿជាក់ថា សប្តាហ៍ជាន់ខ្ពស់ APEC នៅទីក្រុង Da Nang នាពេលខាងមុខ នឹងទទួលបានជោគជ័យ យ៉ាងត្រចះត្រចង់។ ហើយដំណើរទស្សនកិច្ចនៅ វៀតណាម របស់ប្រធានាធិបតី លោក Donald Trump នឹងនាំទំនាក់ទំនងនៃប្រទេសទាំងពីរឡើងកំពស់ថ្មី៕
តាម VOV5 - វិទ្យុសម្លេងវៀតណាម
