ប្រធានរដ្ឋវៀតណាមបិទបញ្ចប់ដំណើរទស្សនកិច្ចនៅ ម៉ូហ្សំប៊ិកប្រកបដោយជោគជ័យ

នាយប់ថ្ងៃទី១២ ខែ​មិនា ឆ្នាំ២០១៦ តាមម៉ោងតំបន់ ប្រធានរដ្ឋវៀតណាម លោក​ Truong Tan Sang រួមជា​មួយ​ភរិយា និង​គណៈប្រតិភូជាន់ខ្ពស់វៀតណាម បានចាក​ចេញពី​ទីក្រុង Maputu បញ្ចប់ដំណើរទស្សន​កិច្ចថ្នាក់​រដ្ឋ នៅសាធារណ​រដ្ឋម៉ូហ្សំប៊ិក​ និងអញ្ជើញទៅបំពេញទស្សនកិច្ចថ្នាក់រដ្ឋ នៅសាធារណរដ្ឋអ៊ីរ៉ង់។

​មុននោះ នាថ្ងៃទី១២មិនា ប្រធានរដ្ឋវៀតណាម លោក Truong Tan Sang និង​ប្រធានាធិបតីម៉ូហ្សំប៊ិក លោក Filipe Nyusi អញ្ជើញ​ចូលរួមវេទិការ​អង្គភាពអាជីវកម្ម​វៀតណាម​និងម៉ូហ្សំប៊ិក។ ថ្លែងមតិនៅ​ទីនេះ ប្រធាន​រដ្ឋវៀត​ណាម លោក Truong Tan Sang បានអោយដឹងថា៖ “​ក្នុងគោលនយោបាយកិច្ចការបរទេសរបស់ខ្លួន វៀត​ណាម​ជានិច្ច​កាល​ចាត់​ទុក​ម៉ូហ្សំប៊ិក ជាដៃគូសំខាន់នៅអាហ្វ្រីក។ ក្នុងគោលនយោបាយឆ្ពោះទៅខាងកើត​ របស់ទ្វីបអាហ្វ្រីក វៀតណាម​ ក៏ជាដៃគូមួយគួរអោយទុកចិត្ត ទីផ្សារធំទូលាយ និង​ស្ថិតនៅកន្លែងច្រកទ្វារបស់អាស៊ាន។ ប្រទេសទាំងពីរ​មានឧត្តម​ភាព និងសក្ដានុភាព​ជាច្រើនដើម្បីបំពេញអោយគ្នាទៅវិញទៅមក​។ ខ្ញុំជឿជាក់​ថា ទំនាក់​ទំន​ង​សហប្រតិ​បត្តិការសេដ្ឋកិច្ច ពាណិជ្ជកម្ម និងវិនិយោគរវាងប្រទេសទាំងពីរនឹង បានអភិវឌ្ឍន៍ខ្លាំង​ក្លានាពេល​ខាង​មុខ​នេះ៕”
 

តាម VOV5 - វិទ្យុសម្លេងវៀតណាម