នៅក្នុងក្របខ័ណ្ឌនៃដំណើរទស្សនកិច្ចជាផ្លូវការនៅវៀតណាមនោះ នាយប់ថ្ងៃទី ៣ ខែវិច្ឆិកា ឆ្នាំ២០១៨ នាយករដ្ឋ​មន្រ្តីបារាំង លោក Edouard Philippe មានជំណួបជាមួយប្រធានគណកម្មាធិការប្រជាជនទីក្រុងហាណូយ លោក Nguyen Duc Chung។

ប្រធានគណកម្មាធិការប្រជាជនទីក្រុងហាណូយ លោក Nguyen Duc Chung(ស្ដាំ)
និងនាយករដ្ឋមន្រ្តីបារាំង លោក Edouard Philippe (ឆ្វេង)្ (រូបថត៖ Kinh tế đô thị)

នៅក្នុងជំនួបនេះ លោក Nguyen Duc Chung បានជូនដំណឹងចំពោះលោក Edouard Philippe អំពីលទ្ធផលនៃកិច្ចសហប្រតិបត្តិការរវាងទីក្រុងហាណូយជាមួយទីក្រុងនិងសហគ្រាសបារាំង នារយៈពេលកន្លងទៅ។ ទីក្រុងហាណូយបានចងសម្ព័ន្ធមេត្រីភាពជាមួយតំបន់ Ile-de-France និងទីក្រុង Toulouse របស់បារាំង ហើយតាមរយៈនោះភាគីទាំងពីរបានសហប្រតិបត្តិការលើវិស័យវប្បធម៌ ទេសចរណ៍ និងបណ្តុះបណ្តាលធនធានមនុស្សខាងសុខាភិបាល។ ទំនាក់ទំនងរវាងទីក្រុងហាណូយជាមួយមូលដ្ឋានទាំងពីរនេះគឺជាគំរូក្នុងទំនាក់ទំនងរវាងខេត្តក្រុងរបស់វៀតណាមជាមួយខេត្តក្រុងរបស់ប្រទេសដទៃទៀត។

ចំណែកឯ នាយករដ្ឋមន្រ្តីបារាំង លោក Edouard Philippe បានកោតសរសើចំពោះការខិតខំប្រឹងប្រែងរបស់ទីក្រុងហាណូយក្នុងការរក្សានិងលើកតម្កើងនូវតម្លៃវប្បធម៌ ព្រមទាំងគុណភាពរស់នៅរបស់ប្រជាជនទីក្រុងគឺកាន់​​ត្រូវបានលើកកម្ពស់ពីមួយថ្ងៃទៅមួយថ្ងៃ។ នេះគឺជាលក្ខណៈដើម្បីទាក់ទាញវិយោគិនបរទេសមកកាន់ទី​ក្រុង​ហាណូយ៕

តាម VOV5 - វិទ្យុសម្លេងវៀតណាម