21/07/2020 18:22 GMT+7 Email Print Like 0

នាំទីផ្សារភាគហ៊ុនវៀតណាមមានឋានៈនៅក្នុងតំបន់

នាព្រឹកថ្ងៃទី២០ កក្កដា នាយករដ្ឋមន្រ្តីវៀតណាមលោក Nguyen Xuan Phuc បានអញ្ជើញចូលរួមនិងវាយគងអបអរសាទរនៅពិធីរំលឹកខួបលើកទី២០ទិវាបង្កើតទីផ្សារភាគហ៊ុនវៀតណាមនិងទីស្នាក់ការ ជួញដូរភាគហ៊ុនទីក្រុងហូជីមិញ (ថ្ងៃទី២០ កក្កដា)។

នាយករដ្ឋមន្រ្តីវៀតណាមលោក Nguyen Xuan Phuc អញ្ជើញថ្លែងនៅពិធីរំលឹកខួប។ (រូបថត៖ VGP)


លោកនាយករដ្ឋមន្រ្តីបានសំណូមពរឲ្យអភិវឌ្ឍទីផ្សារភាគហ៊ុនវៀតណាមឲ្យបានខ្លាំងក្លាថែមទៀត ប្រកបដោយគុណភាពនិងសមត្ថភាពប្រកួត បរជែងខ្ពស់ ស្មើនឹងលំដាប់តំបន់និងសកលលោក។ តាមនោះ រួមចំណែកយ៉ាងសំខាន់ក្នុងការនាំប្រទេសជាតិក្លាយទៅជាប្រទេសឧស្សាហកម្មទំនើប មានការអភិវឌ្ឍយ៉ាងសម្បូររុងរឿងក្នុងរយៈពេល១៥ដល់២០ឆ្នាំខាងមុខជា មួយនឹងទស្សនៈវិស័យដល់ឆ្នាំ២០៤៥។ លោកនាយករដ្ឋមន្រ្តីអញ្ជើញមានប្រសាសន៍ថា៖

“ក្រោយរយៈពេល២០ឆ្នាំអភិវឌ្ឍនិងរីកធំធាត់មក ទីផ្សារភាគហ៊ុនវៀតណាមបានជំនះពុះពារលើគ្រប់ការលំបាកឧបសគ្គ កែលម្អទម្រង់ដោយឥតឈប់ឈរ អភិវឌ្ឍយ៉ាងខ្លាំងក្លាទាំងខាងទ្រង់ទ្រាយនិងគុណភាពដើម្បីក្លាយទៅជាកាណាល់កៀរគរប្រភពធនធានដ៏សំខាន់សម្រាប់ខឿនសេដ្ឋកិច្ចជាតិ ព្រមទាំងជាជើងទម្រសម្រាប់សហគ្រាសជាច្រើន ដើម្បីឈានឡើងលំដាប់តំបន់និងអន្តរជាតិ”។

គួរបញ្ជាក់ថាចាប់តាំងពីជាមជ្ឈមណ្ឌលជួញដូរភាគហ៊ុនមួយដោយមានសហគ្រាសចុះបញ្ជីតែ២អង្គភាពប៉ុណ្ណោះ រហូតដល់ពេលនេះ ទីផ្សារភាគហ៊ុន វៀតណាមមានសហគ្រាសចុះបញ្ជីជាង១៦០០អង្គភាព ដោយមានទុនសរុបជាង ៤ លានពាន់លានដុង ស្មើនឹង៦៥%នៃ GDP ជាតិ៕

តាម VOV5- វិទ្យុសម្លេងវៀតណាម

បណ្តាព័ត៌មានបានផ្សាយ