28/02/2020 16:26 GMT+7 Email Print Like 0

នាយករដ្ឋមន្រ្តីរដ្ឋាភិបាលវៀតណាមសំណូមពរឲ្យដាក់ដាច់ដោយឡែកអ្នកមកកាន់វៀតណាមពីតំបន់មានជំងឺ

នាព្រឹកថ្ងៃទី២៧កុម្ភៈ នៅរដ្ឋធានីហាណូយ នាយករដ្ឋមន្រ្តីរដ្ឋាភិបាលវៀតណាមលោក Nguyen Xuan Phuc បានអញ្ជើញធ្វើអធិបតីក្នុងកិច្ចប្រជុំរបស់ គណៈអចិន្រ្តៃយ៍រដ្ឋាភិបាលជាមួយគណៈកម្មការជាតិទទួលបន្ទុកការងារប្រយុទ្ធប្រឆាំងនឹងជំងឺ Covid-19។

ថ្លែងនៅទីនេះ លោកនាយករដ្ឋមន្រ្តី Nguyen Xuan Phuc បានលើកច្បាស់ថា រដ្ឋាភិបាលបានធ្វើអ្វីៗគ្រប់បែបយ៉ាងលើស្មារតីខ្ពស់បំផុតដើម្បីការពារសុខភាពនិងអាយុជីវិតរបស់ប្រជាជន។ នាពេលខាងមុខ លោកនាយករដ្ឋមន្រ្តីបានសំណូមពរឲ្យដាក់ដាច់ដោយឡែកយ៉ាងប្ដូរផ្ដាច់អ្នកមកកាន់វៀតណាមពីតំបន់មានជំងឺ។ លោកអញ្ជើញមានប្រសាសន៍ថា៖

“ស្ថានភាពនៃជំងឺ Covid-19 កំពុងមានការវិវត្តន៍យ៉ាងស្មុគស្មាញ ដែលជំងឺកំពុងឆ្លងរាលដាលនៅប្រទេសមួយចំនួន ប៉ុន្តែយើងមានជំនឿជឿជាក់ថា ស្ថានភាពនឹងត្រូវបានគ្រប់គ្រងជាស្ថានពរ ហើយកាន់តែប្រសើរឡើងក្នុងត្រីមាសទី២នាពេលខាងមុខ។ ចាប់ពីពេលនេះតទៅ បណ្ដាក្រសួង ស្ថាប័ននិងខេត្តក្រុង ក្រៅពីការប្រយុទ្ធប្រឆាំងនឹង Covid-19 យ៉ាងប្ដូរផ្ដាច់នោះ គឺត្រូវមានការត្រិះរិះអំពីគោលនយោបាយនិងសកម្មភាពដើម្បីឆ្ពោះទៅ រកភាពជោគជ័យផ្នែកសេដ្ឋកិច្ច ស្ថិរភាពសង្គមក្នុងឆ្នាំ២០២០ សម្រេចឲ្យបានគោលដៅដែលបក្ស រដ្ឋនិងប្រជាជនបានប្រគល់ជូន”៕

តាម VOV5 - វិទ្យុសម្លេងវៀតណាម 

បណ្តាព័ត៌មានបានផ្សាយ