នាយករដ្ឋមន្ត្រីកម្ពុជាបញ្ចប់ដំណើរបំពេញទស្សនកិច្ចជាផ្លូវការនៅវៀតណាមប្រកបដោយជោគជ័យ
នារសៀលថ្ងៃទី២១ ខែធ្នូ ឆ្នាំ២០១៦ នាយករដ្ឋមន្ត្រីព្រះរាជាណាចក្រកម្ពុជា សម្តេចតេជោ ហ៊ុន សែន រួមជាមួយគណៈប្រតិភូជាន់ខ្ពស់រាជរដ្ឋាភិបាលកម្ពុជា បានបញ្ចប់ដំណើរបំពេញទស្សនកិច្ចជាផ្លូវការ នៅវៀតណាមតាមសេចក្ដីអញ្ជើញរបស់នាយករដ្ឋមន្ត្រី វៀតណាម លោក Nguyen Xuan Phuc ប្រកបដោយជោគជ័យ។ ក្នុងរយៈពេលពីរថ្ងៃនៅវៀតណាម (ចាប់ពីថ្ងៃទី២០ដល់ថ្ងៃទី២១ធ្នូ) នាយករដ្ឋមន្ត្រីកម្ពុជា សម្ដេចហ៊ុនសែន បានមានជំនួបចរចាជាមួយនាយករដ្ឋមន្ត្រីវៀតណាម លោក Nguyen Xuan Phuc សំដែងការគួរសម អគ្គលេខាបក្សកុម្មយនីស្ត លោក Nguyen Phu Trong ប្រធានរដ្ឋលោក Tran Dai Quang និងជួបសន្ទនាជាមួយប្រធានរដ្ឋសភា លោកស្រី Nguyen Thi Kim Ngan។ នាយករដ្ឋមន្ត្រី សម្ដេចហ៊ុនសែន ក៏បានអញ្ជើញទៅដាក់កម្រងផ្កានៅវិមានវីរយុទ្ធជនពលី ចូលប្រាង្គដម្កលសពគោរពវិញ្ញាណក្ខន្ធលោកប្រធានហូជីមិញ និងទៅបំពេញទស្សនកិច្ចនៅទីក្រុងហូជីមិញ និងខេត្ត Dong Nai ។ នៅក្នុងជំនួបធ្វើការទាំងនេះ ភាគីទាំងពីរបានឯកភាពថាការពង្រឹងនិងពង្រីកទំនាក់ទំនងមិត្តភាពកិច្ចសហប្រតិបត្តិការវៀតណាម-កម្ពុជា មានតួនាទីដ៏សែនសំខាន់សំរាប់ប្រទេសទាំងពីរ ហើយសន្យាពង្រឹងនិងពង្រីកទំនាក់ទំនង រវាងប្រទេសទាំងពីរតាមទិសស្លោក៖ អ្នកជីតខាងភូមិផងរបងជាមួយគ្នាល្អប្រសើរមិត្តភាពប្រពៃណីកិច្ចសហប្រតិបត្តិការលើគ្រប់វិស័យ ចីរភាពនិងយូរអង្វែង គោរពឯករាជ្យ អធិបតេយ្យភាព និងបូរភាពដែនដី មិនអនុញ្ញាតអោយកងកម្លាំងអមិត្តប្រើប្រាស់ដែនដីរបស់ប្រទេសខ្លួន ដើម្បីគំរាមគំហែងសន្តិសុខរបស់ប្រទេសមួយទៀត ដោះស្រាយបញ្ហាដែលកើតមានឡើង រវាងប្រទេសទាំងពីរដោយសន្តិវិធី។ ភាគីទាំងពីរក៏បានឯកភាពបង្កើនជំនួបប្រាស្រ័យ និងផ្លាស់ប្តូរគណៈប្រតិភូគ្រប់ជាន់ថ្នាក់។ ភាគីទាំងពីរក៏បានឯកភាព រៀបចំសកម្មភាពរំលឹកខួបអនុស្សាវរីយ៍លើកទី៥០ ទិវាបង្កើតទំនាក់ទំនងការទូត រវាងប្រទេសទាំងពីរវៀតណាម-កម្ពុជា (ថ្ងៃទី២៤ខែមិថុនាឆ្នាំ១៩៦៧-ថ្ងៃទី២៤ខែមិថុនាឆ្នាំ២០១៧)៕
តាម VOV5 - វិទ្យុសំឡេងវៀតណាម
