នាថ្ងៃទី២ ខែមេសា ឆ្នាំ២០១៨ ស្ថានទូតវៀតណាមប្រចាំអេហ្ស៊ីបបានរៀបចំទិវាវប្បធម៌វៀតណាម នៅខេត្ត Ismailia សំដៅឧទ្ទេសនាមអំពីទឹកដីនិងមនុស្សវៀតណាមក៏ ដូចជាទំនាក់ទំនងមិត្តភាពជាប្រពៃណីរវាងប្រទេសទាំងពីរផងដែរ។

 បណ្ដាសិល្បៈករសិល្បៈការិនីអេហ្ស៊ីបចូលរួមសម្ដែងក្នុងទិវាវប្បធម៌វៀតណាម

ឯកអគ្គ រដ្ឋទូតវៀតណាមលោក Do Hoang Long បានឲ្យដឹងថា៖

“នេះជាព្រឹត្តិការណ៍មួយក្នុងចំណោមសកម្មភាពវប្បធម៌ កីឡា សិក្ខាសាលា និងដំណើរទស្សនកិច្ចរបស់ថ្នាក់ដឹកនាំក្នុងឱកាសរំលឹកខួបលើកទី ៥៥ ទិវាបង្កើតទំនាក់ទំនងការទូតរវាងប្រទេសទាំងពីរ។ នេះជាព្រឹត្តិការណ៍មានអត្ថន័យដោយសារ ខេត្ត Ismailia មានសក្ដានុពលដ៏ធំធេងអំពីសេដ្ឋកិច្ច ពិសេសគឺវិស័យ កសិកម្ម។ ក្នុងឱកាសនេះ ស្ថានទូតវៀតណាមបានបើកបន្ទប់អានសៀវភៅមួយ នៅបណ្ណាល័យសាធារណៈ ដើម្បីជួយប្រជាពល​រដ្ឋ Ismailia ទាក់ទងផ្ទាល់ ជាមួយព័ត៌មានស្ដីពីវៀតណាម”។

នាថ្ងៃដដែល ឯកអគ្គរដ្ឋទូតលោក Do Hoang Long បានជួបធ្វើការជាមួយ អភិបាលខេត្ត Ismailia លោក Yassin Taher អំពីលទ្ធភាពសហប្រតិបតិ្តការរវាង Ismailia ជាមួយខេត្តក្រុងរបស់វៀតណាម៕

តាម VOV5 - វិទ្យុសម្លេងវៀតណាម