​​“ថ្មបះប្រះទឹក Vanguard Bank គឺរបស់វៀតណាម។ ចិនកំពុងមានចេតនា ប្រែ​ក្លាយ​តំប​ន់​គ្មាន​ជម្លោះ​ទៅជា​តំប​ន់​មានជម្លោះ”។ នេះជាទស្សនៈរបស់បណ្ដា អ្នកស្រាវជ្រាវនៅកិច្ចសន្ទនាវិទ្យាសាស្ត្រក្រោមប្រធានបទ “តំបន់​សមុទ្រ​នៅថ្មប៉ ប្រះទឹក Vanguard Bank និងច្បាប់អន្តរជាតិ” ដែលបានប្រព្រឹត្តទៅនាថ្ងៃទី៦ ខែតុលា នៅទីក្រុង​ហាណូយ។

នៅ​កិច្ចសន្ទនានេះ បណ្ដាអ្នកស្រាវជ្រាវបានអះអាងថា ការដែលចិនបង្ហាញ របស់ដែលហៅថា ថ្មប៉ប្រះទឹក Vanguard Bank ចំណុះអធិបតេយ្យភាពនៃ ប្រទេសខ្លួន គឺគ្មានមូលដ្ឋាននោះឡើយ។ អ្នក​ជំនាញ​អំពី​សមុទ្រ​ខាង​កើត​ ឧត្ត​ម​សេនីយ៍ត្រី Le Van Cuong បានស្រាយបំភ្លឺយ៉ាងច្បាស់នូវចំណុចមិនត្រឹមត្រូវ ចំនួន២របស់​រដ្ឋ​មន្រ្តី​​ការបរទេសចិនលោក Wang Yi ក្នុងការថ្លែងអំពី “អ្វីដែល បានហៅថា ចិនមាន​អធិបតេយ្យ​ភាព​ចំពោះ​ថ្មប៉​ប្រះ​ទឹក Vanguard Bank”។ លោក Le Van Cuong បានអោយដឹងថា៖
 
 “នាពេល​ថ្លែងទៅកាន់សារព័ត៌មានអន្តរជាតិ លោក Wang Yi បាននិយាយ ថា នាវាស្រាវជ្រាវ Haiyang Dizhi 8 របស់ចិន​កំពុងធ្វើសកម្មភាពនៅតំបន់ថ្ម ប៉ប្រះទឹក Vanguard Bank នៃប្រជុំកោះ Truong Sa របស់ចិន។ ការថ្លែង​របស់ លោកគឺខុស។ ទីមួយគឺអំពីនយោបាយ ចិនមិនមានមូលដ្ឋានគតិយុត្តណាមួយ ដើម្បីទាម​ទារ​អធិប​តេយ្យភាពនៅប្រជុំកោះ Truong Sa នោះឡើយ។ តុលាកា អាជ្ញាកណ្ដាលឆ្នាំ២០១៦បានច្រាន​ចោល​ប្រ​ការ​នេះ។​ ប្រសិនបើឈរលើប្រព័ន្ធ ច្បាប់អន្តរជាតិសម័យទំនើបនោះ គឺចិនមិនមានមូលដ្ឋានទាំងស្រុងនោះទេ។ ទីពីរ​គឺអំពីខាងភូគម្ភសាស្ត្រភូមិសាស្ត្រ គឺថ្មប៉ប្រះទឹក Vanguard Bank ស្ថិតនៅ ក្រៅប្រជុំកោះ Truong Sa ដែលមាន​ចម្ងាយចំនួន៦០០គីឡូ ម៉ែត្រ។ នៅចន្លោះ រវាង Truong Sa និងថ្មប៉ប្រះទឹក Vanguard Bank នៅមាន​ចង្អូរ​ជ្រៅមួយ​ទៀត”។
 
ចំណែកឯ​លោក Nguyen Truong Giang អតីតប្រធានវិទ្យាស្ថានសមុទ្រ ខាងកើត វិទ្យាស្ថានការទូត ក្រសួងការ​បរទេស​វៀត​ណាម បានវិភាគថា៖
 
“ច្បាប់​អន្តរជាតិជាមូលដ្ឋានដើម្បីការពារតំបន់សមុទ្ររបស់វៀតណាម។ បណ្ដា​បទ​បញ្ញត្តិ​នៃអនុសញ្ញា​ស្ដីពីច្បាប់​សមុទ្រ​ឆ្នាំ​១៩៨២ស្ដីពីតំបន់សមុទ្រ ក៏ជា មូលដ្ឋានគតិយុត្តសំខាន់ដើម្បីអោយយើងការពារតំបន់សមុទ្រ ការពារ​អធិប តេយ្យភាពនិងសិទ្ធិអធិបតេយ្យភាព យុត្តាធិកានិងផលប្រយោជន៍ស្របច្បាប់ របស់វៀត​ណាម​នៅក្នុង​តំបន់​សមុទ្ររបស់វៀតណាម។ ថ្មប៉ប្រះទឹក Vanguard Bank តាមពិត​ជាចំណែក​មួយ​នៅក្នុង​បាត​សមុទ្រ​ចំណុះតបន់​សេដ្ឋកិច្ច​ផ្ដាច់​មុខ។ នេះមិនមែនជាតំបន់មានជម្លោះឬតំបន់ត្រួតស៊ីគ្នានោះឡើយ។ ដោយសារតែចិនមិន មាន​មូលដ្ឋានគតិយុត្តណាមួយដើម្បីដាក់ចេញការទាមទារចំពោះតំបន់សមុទ្រនេះទេ”។
 
បណ្ដាអ្នកស្រាវជ្រាវក៏បាន​អះអាងថា ចំពោះមុខអំពើទទឹងទទែងរបស់ចិន នៅសមុទ្រខាងកើត វៀត​ណាម​ចាំបាច់​ត្រូវបន្ត​យក​រឿង​ក្ដីថ្មប៉ប្រះទឹក Vanguard Bank ទៅថ្កោល​ទោស​នៅក្រុម​ប្រឹក្សា​អង្គការ​សហប្រ​ជាជាតិ៕​
 

តាម VOV5 - វិទ្យុសំឡេងវៀតណាម​