នារសៀលថ្ងៃទី២១ ខែធ្នូ នៅខេត្ត Khanh Hoa ភាគកណ្ដាលវៀតណាម បញ្ជាការដ្ឋានភូមិភាគទី ៤ នៃកងទ័ពជើងទឹក វៀតណាមបានរៀបចំពិធីជូនដំណើរបណ្ដាក្រុមការងារទៅជូនពរបុណ្យចូលឆ្នាំថ្មី (បុណ្យតេត) ចំពោះកម្មាភិបាល យុទ្ធជន ប្រជាជននិងព្រះសង្ឃនៅតាមកោះនានាចំណុះស្រុកកោះ Truong Sa ខេត្ត Khanh Hoa។

ទិដ្ឋភាពនៅពិធីជូនដំណើរបណ្ដាក្រុមការងារទៅជូនពរបុណ្យចូលឆ្នាំថ្មី (បុណ្យតេត) ចំពោះកម្មាភិបាល យុទ្ធជន ប្រជាជននិងព្រះសង្ឃនៅតាម កោះនានាចំណុះស្រុកកោះ Truong Sa ខេត្ត Khanh Hoa។ (រូបថត៖ qdnd.vn)

ដំណើរទស្សនកិច្ចនេះបានអះអាងនូវការយកចិត្តទុកដាក់ដ៏ជ្រាលជ្រៅរបស់បក្ស រដ្ឋ ក្រសួងការពារប្រទេស កងទ័ពជើងទឹកនិងប្រជាជនចំពោះបុព្វហេតុ ការពារអធិបតេយ្យភាពកោះសមុទ្ររបស់ប្រទេសជាតិ។

នាថ្ងៃដដែល នៅខេត្ត Khanh Hoa ក៏បានប្រព្រឹត្តទៅពិធីបិទបញ្ចប់ ពានវាយកូនហ្គោល “ដើម្បី Truong Sa ជាទីស្រឡាញ់”។ ពាននេះត្រូវបាន ក្រុមហ៊ុន KN Cam Ranh សហការជាមួយវិទ្យុសម្លេងវៀតណាម (VOV) និងកងទ័ពជើងទឹកភូមិភាគទី ៤ រៀបចំឡើង ក្នុងគោលដៅរៃអង្គាសទឹកប្រាក់ជួយឧបត្ថម្ភដល់កងទ័ពនិងប្រជាជន នៅស្រុកកោះ Truong Sa។ គណៈចាត់តាំងទទួលបានទឹកប្រាក់ឧបត្ថម្ភចំនួន៦,៣លានដុល្លាអាមេរិក។ លោក Nguyen The Ky អគ្គនាយក VOV បានអោយដឹងថា៖

“ពាននេះមិនត្រឹមតែជាការប្រកួតប្រជែងរវាងកីឡាករវាយកូនហ្គោលជាង១០០នាក់ប៉ុណ្ណោះទេ ថែមទាំងឆ្ពោះទៅការតភ្ជាប់បណ្ដាសប្បុរសជន សហគ្រាសនៅក្នុងនិងក្រៅប្រទេសសំដៅរួមវិភាគទានយ៉ាងជាក់ស្ដែងជូន ចំពោះកងទ័ពនិងប្រជាជននៅស្រុកកោះ Truong Sa ទៀតផង។ ទឹកប្រាក់ដែលបានរៃអង្គាសពីកម្មវិធីនេះ នឹងត្រូវបានប្រើប្រាស់ក្នុងការកសាងប្រព័ន្ធ ម៉ាស៊ីនចម្រោះទឹកសមុទ្រទៅជាទឹកសាប ដើម្បីបម្រើសកម្មភាពប្រចាំថ្ងៃ នៅលើកោះ។ ទន្ទឹមនឹងនោះ គណៈចាត់តាំងក៏បានប្រគល់អាហារូបករណ៍ ជូនកូនៗរបស់បណ្ដាគ្រួសារនៅលើកោះ កូនៗរបស់យុទ្ធជន កម្មាភិបាល ដែលកំពុងបំពេញភារកិច្ចនៅ Truong Sa ផងដែរ”៕

តាម VOV5 - វិទ្យុសម្លេងវៀតណាម