ជំនួបប្រាស្រ័យរំលឹកខួបលើកទី២៥ទិវាបង្កើតទំនាក់ទំនងវៀតណាម-កូរ៉េខាងត្បូង
នាយប់ថ្ងៃទី២២ ខែធ្នូ ឆ្នាំ២០១៧ នៅរដ្ឋធានីហាណូយ សមាគមន៍មិត្តភាពវៀតណាម-កូរ៉េខាងត្បូងបានសហការជាមួយស្ថានទូតកូរ៉េខាងត្បូងប្រចាំវៀតណាម រៀបចំជំនួបប្រាស្រ័យរំលឹកខួបលើកទី២៥ទិវាបង្កើតទំនាក់ទំនងរវាងប្រទេសទាំង២។
ថ្លែងមតិនៅទីនេះ ឯកអគ្គរដ្ឋទូតកូរ៉េខាងត្បូងប្រចាំវៀតណាមលោក Lee Huyk ឲ្យដឹងថា ក្នុងរយៈពេល២៥ឆ្នាំកន្លងទៅ ទំនាក់ទំនងរវាងប្រទេសទាំង២ មានការបោះជំហានអភិវឌ្ឍន៍គួរឲ្យកត់សម្គាល់។ នាបច្ចុប្បន្ន កូរ៉េខាងត្បូងបាន ក្លាយទៅជាវិនិយោគិនបរទេសធំបំផុតនៅវៀតណាម ជាមួយទុនសរុបចំនួន៦០ ពាន់លានដុល្លាអាមេរិក។ វៀតណាមក៏ជាដៃគូពាណិជ្ជកម្មធំទី៤របស់កូរ៉េ ខាងត្បូងដែរ។ វៀតណាមជាប្រទេសដែលត្រូវបានជនកូរ៉េខាងត្បូងទៅទស្សនា ជាច្រើនបំផុតក្នុងតំបន់អាស៊ីអាគ្នេយ៍។ លោកឯកអគ្គរដ្ឋទូតចាត់ទុកថា ភាព ស្រដៀងគ្នាខាងវប្បធម៌ នឹងជាមូលដ្ឋានដើម្បីប្រទេសទាំង២បើកទូលាយកិច្ចសហប្រតិបត្តិការថែមទៀត តាមនោះ រួមចំណែកជំរុញចំណងមិត្តភាពរវាងប្រជាជននៃ ប្រទេសទាំង២៕
តាម VOV5 - វិទ្យុសម្លេងវៀតណាម