ទិដ្ឋភាពនៅពិធីចុះហត្ថលេខាលើអនុស្សរណៈយោគយល់គ្នាស្ដីពីការបុះបញ្ជីបណ្ដាក់ទុកចូលមក
ខេត្ត Binh Thuan (រូបថត៖ VGP)

នាព្រឹកថ្ងៃទី២២ ខែកញ្ញា ឧបនាយករដ្ឋមន្រ្តីអចិន្រ្តៃយ៍រដ្ឋាភិបាលវៀតណាមលោក Truong Hoa Binh បានអញ្ជើញចូលរួមនិងបញ្ជាណែនាំនៅកិច្ចប្រជុំ ពន្លឿនវិនិយោគខេត្ត Binh Thuan ឆ្នាំ២០១៩។

នៅទីនេះ ថ្នាក់ដឹកនាំខេត្តបានឧទ្ទេសនាមអំពីសក្ដានុភាព ឧត្តមភាព ការរៀបចំដីធ្លីនិងបញ្ជីឈ្មោះគម្រោងដែល​បានផ្ដល់អាទិភាពទាក់ទាញការវិនិយោគ។ ក្នុងនោះផ្ដោតទៅលើសសរទ្រូងចំនួន៣រួមមាន៖ទេសចរណ៍-សេវាកម្ម លេងកំសាន្តជាន់ខ្ពស់ ពាណិជ្ជកម្ម តំបន់នគរ-ទីប្រជុំជន ឧស្សាហកម្មកែច្នៃ - បង្កបង្កើត - ថាមពលកកើតឡើងវិញ និងកសិកម្មដោយអនុវត្តបច្ចេកវិទ្យាខ្ពស់។

ស្ថិតជាប់នឹងតំបន់សេដ្ឋកិច្ចសំខាន់ភាគខាងត្បូង ខេត្ត Binh Thuan មានទីតាំងភូមិសាស្ត្រអំណោយផលដើម្បីអភិវឌ្ឍសេដ្ឋកិច្ចហើយធ្វើជាស្ពានតភ្ជាប់រវាងបណ្ដាតំបន់ជុំវិញ។ ដោយមានផ្ទៃដីធម្មជាតិជាង ៧៨០០ គីឡូម៉ែត្រ​ការ៉េ ដែនសមុទ្រចំនួន៥២ពាន់គីឡូម៉ែត្រការ៉េ និងឆ្នេរសមុទ្រចំនួន ២០០ គីឡូម៉ែត្រនោះ ខេត្ត Binh Thuan កំពុងមានលក្ខណៈងាយស្រួលជាច្រើនដើម្បីជួយអោយសហគ្រាស ដំណើរការវិនិយោគ អាជីវកម្មប្រកបដោយជោគជ័យ។ អញ្ជើញថ្លែងនៅកិច្ចប្រជុំ ឧបនាយករដ្ឋមន្រ្តីវៀតណាមលោក Truong Hoa Binh បានលើកច្បាស់ថា៖

“ខេត្តត្រូវការបន្តបង្កើតបរិយាកាសវិនិយោគប្រកបដោយភាពងាយស្រួល ដែលមានយន្តការ គោលនយោបាយល្អៗដើម្បីទាក់ទាញវិនិយោគិននិងសហគ្រាសដែលមានកិត្យានុភាពនិងដើមទុនធំៗ មកវិនិយោគលើវិស័យនានា​ដែលខេត្តកំពុងមានឧត្តមភាពនិងសក្ដានុភាព ដើម្បីបង្កើតឡើងកម្លាំងចលករសម្រាប់ការអភិវឌ្ឍ ក្នុងគោលដៅអភិវឌ្ឍខេត្ត Binh Thuan ប្រកបដោយចីរភាព ហើយ មិនប៉ះពាល់ដល់បរិស្ថានអេកូឡូស៊ីនោះឡើយ”។

នៅកិច្ចប្រជុំនេះដែរ ខេត្ត Binh Thuan បានប្រគល់សេចក្ដីសម្រេចចិត្ត អនុញ្ញាតអោយវិនិយោគជូនដល់គម្រោងចំនួន ១១ ក្នុងដើមទុនសរុបជាង ២៣ លានលានដុងហើយចុះហត្ថលេខាលើអនុស្សរណៈយោគយល់គ្នាស្ដីពីការចុះបញ្ជីវិនិយោគសម្រាប់គម្រោងចំនួន១៤ក្នុងដើមទុនសរុបជាង១៩ពាន់លានដុល្លាអាមេរិកនិង ​៣៦​លាន​លានដុងលើវិស័យជាច្រើន៕

តាម VOV5 - វិទ្យុសម្លេងវៀតណាម