03/01/2022 15:26 GMT+7 Email Print Like 0

Vietnam Airlines ຂຸດຄົ້ນຖ້ຽວບິນສາກົນຖ້ຽວທຳອິດ ນັບແຕ່ເວລາເກີດໂລກລະບາດໂຄວິດ - 19

      ຖ້ຽວບິນສາກົນຖ້ຽວທຳອິດ ໂດຍ Vietnam Airlines ຂຸດຄົ້ນນັບແຕ່ເວລາເກີດໂລກລະບາດໂຄວິດ - 19 ໂດຍບິນຈາກ Phnom Penh (ກຳປູເຈຍ) ໄປຍັງສະໜາມບິນ ເຕີນເຊີນເຍິດ, ຢູ່ນະຄອນໂຮ່ຈີມິນ, ໄດ້ຂົນສົ່ງຜູ້ໂດຍສານ 121 ຄົນ.
ພາບປະກອບ: TTXVN
      ຜູ້ຕາງໜ້າ Vietnam Airlines ແບ່ງປັນວ່າ ຖ້ຽວບິນນີ້ ໄດ້ສ້າງຂີດໝາຍເປີດປະຕູການບິນສາກົນປົກກະຕິຢ່າງເປັນທາງການ, ຟື້ນຟູຂົວເຊື່ອມຕໍ່ທາງການບິນຫວຽດນາມ ກັບ ໂລກ ແລະ ເປີດອອກແງ່ຫວັງຟື້ນຟູການບິນ, ການທ່ອງທ່ຽວຢ່າງແຮງ ພາຍຫຼັງໂລກລະບາດໂຄວິດ - 19. ຖ້ຽວບິນນອນໃນແຜນການຟື້ນຟູບັນດາຖ້ຽວບິນສາກົນ ປົກກະຕິຂົນສົ່ງຜູ້ໂດຍສານ ໄປຍັງສະຖານທີ່ທີ່ມີຄວາມປອດໄພຢູ່ລະດັບສູງ, ເລີ່ມແຕ່ວັນທີ 1 ມັງກອນ 2022 ໄດ້ຮັບການຕົກລົງຈາກລັດຖະບານ.
            ກ່ຽວຂ້ອງເຖິງຖ້ຽວບິນນີ້, ທ່ານ Uch Leang ຜູ້ຮັກສາການ ຫົວໜ້າກົມຄົ້ນຄ້ວາ ອາຊີ - ອາຟຼີກາ ແລະ ຕາເວັນອອກກາງ ຂຶ້ນກັບສະຖາບັນພົວພັນຕ່າງປະເທດ (ສະຖາບັນບັນດິດ ລາຊະອານາຈັກ ກຳປູເຈຍ) ຖືວ່າ ການເປີດຖ້ຽວບິນສາກົນ ແມ່ນການຕັດສິນຢ່າງແຮງ ແລະ ທັນການຂອງ ລັດຖະບານ ຫວຽດນາມ ໃນສະພາບການໃນພາກພື້ນ ທີ່ພວມມານະພະຍາຍາມຟື້ນຟູການເສດຖະກິດ - ສັງຄົມ, ຟື້ນຟູລະບົບສະໜອງທົ່ວໂລກ ທີ່ຖືກຂາດວັກຂາດຕອນໃນໄລຍະເກີດໂລກລະບາດໂຄວິດ - 19.
(ແຫຼ່ງຄັດຈາກ VOV)