ຂ່າວສານ

ໜູນຊ່ວຍລົບລ້າງເຮືອນຢູ່ຊົ່ວຄາວ, ເຮືອນເປ່ເພກ່ວາ 200.000 ຫຼັງໃນທົ່ວປະເທດ

22/04/2025

ໄລ່ຮອດວັນທີ 18 ເມສາ 2025, ທົ່ວປະເທດໄດ້ລົບລ້າງເຮືອນຢູ່ຊົ່ວຄາວ, ເຮືອນເປເພ 201.651 ຫຼັງ, ໃນນັ້ນມີເຮືອນ 105.968 ຫຼັງສາມາດນຳເຂົ້ານຳໃຊ້ໄດ້ແລ້ວ ແລະ ມີ 95.683 ຫຼັງເລີ່ມລົງມືກໍ່ສ້າງ.

ພາບປະກອບ: TTXVN

ຕາມແຫຼ່ງຂ່າວໂດຍກະຊວງບັນດາເຜົ່າ ແລະ ສາສະໜາປະກາດໃນວັນທີ 20 ເມສາ, ໄລ່ຮອດວັນທີ 18 ເມສາ 2025, ທົ່ວປະເທດໄດ້ລົບລ້າງເຮືອນຢູ່ຊົ່ວຄາວ, ເຮືອນເປເພ 201.651 ຫຼັງ, ໃນນັ້ນມີເຮືອນ 105.968 ຫຼັງສາມາດນຳເຂົ້ານຳໃຊ້ໄດ້ແລ້ວ ແລະ ມີ 95.683 ຫຼັງເລີ່ມລົງມືກໍ່ສ້າງ. ດັ່ງນັ້ນ, ຈຳນວນເຮືອນຢູ່ຊົ່ວຄາວ, ເຮືອນເປ່ເພຂອງຄອບຄົວທຸກຍາກ, ຄອບຄົວໃກ້ຂັ້ນທຸກຍາກທີ່ຍັງເຫຼືອເຊິ່ງຕ້ອງລົບລ້າງໃນໂຄງການແມ່ນ 34.700 ຫຼັງ. ຄວາມຄືບໜ້າໃນການລົບລ້າງເຮືອນຢູ່ຊົ່ວຄາວ, ເຮືອນເປ່ເພພວມໄດ້ຮັບການຍູ້ແຮງຢູ່ບາງທ້ອງຖິ່ນ, ຍົກຕົວຢ່າງຄື: ນະຄອນໂຮ່ຈີມິນ. ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30/04/1975 – 30/04/2025), ແນວໂຮມປະເທດຊາດຫວຽດນາມ ນະຄອນໂຮ່ຈີມິນ ແລະ ບັນດາຫົວໜ່ວຍໄດ້ສົມທົບກັນປະຕິບັດສຳເລັດການໜູນຊ່ວຍງົບປະມານສ້ອມແປງເຮືອນຢູ່ 323 ຫຼັງທີ່ເປັນຂອງຄອບຄົວທຸກຍາກ, ຄອບຄົວໃກ້ຂັ້ນທຸກຍາກ, ຄອບຄົວປະສົບກັບຄວາມຫຍຸ້ງຍາກທີ່ມີເຮືອນຢູ່ຊຸດໂຊມ ດ້ວຍງົບປະມານກ່ວາ 25,3 ຕື້ດົ່ງ (ປະມານ 1 ລ້ານUSD).

(ແຫຼ່ງຄັດຈາກ VOV)

ສປຊ ຢັ້ງຢືນບັນດາການປະກອບສ່ວນຂອງກຳລັງຮັກສາສັນຕິພາບ ຫວຽດນາມ

09/05/2025
ຂ່າວສານ

ນີ້ແມ່ນການຢັ້ງຢືນບັນດາການປະກອບສ່ວນຂອງກຳລັງຮັກສາສັນຕິພາບຫວຽດນາມ ເວົ້າລວມ, ໂຮງໝໍກາງສະໜາມຂັ້ນ 2 ເລກ 6 ເວົ້າສະເພາະ, ໃນວິວັດການປະຕິບັດພາລະກິດຢູ່ ຄະນະປົກປັກຮັກສາສັນຕິພາບຂອງ ສປຊ ຢູ່ ຊູດັງໃຕ້ (UNMISS).