ຂ່າວສານ

ໄທໃຫ້ສັນຊາດໃຫ້ສະມາຊິກທິມບານເຕະເຍົາວະຊົນ 04 ຄົນ ທີ່ໄດ້ກູ້ໄພອອກຈາກຖໍ້າຫຼວງ

10/08/2018

ວັນທີ 8 ສິງຫາ, ໄທໄດ້ໃຫ້ສັນຊາດແກ່ສະມາຊິກທິມບານເຕະເຍົາວະຊົນ 03 ຄົນ ພ້ອມກັບຄູຝຶກຄົນໜຶ່ງ ທີ່ໄດ້ກູ້ໄພອອກຈາກຖໍ້າຫຼວງເມື່ອເດືອນແລ້ວນີ້. ເຈົ້າໜ້າທີ່ເມືອງ ແມ່່ສາຍ ໄດ້ອອກບັດປະຈໍາຕົວໃຫ້ແກ່ບັນດາສະມາຊິກດັ່ງກ່າວ ພ້ອມກັບ ບຸກຄົນອື່ນຈໍານວນ 30 ຄົນ. ວົງການເຈົ້າໜ້າທີ່ທ້ອງຖິ່ນ ຢັ້ງຢືນວ່າ ການຜັນແປດັ່ງກ່າວ ບໍ່ໄດ້ກ່ຽວຂ້ອງເຖິງເຫດການກູ້ໄພກູ້ຊີບ ແລະ ບັນດາສະມາຊິກນັ້ນ ລ້ວນແຕ່ມີເງື່ອນໄຂຄົບຖ້ວນເພື່ອຖືສັນຊາດໄທ.

ສະມາຊິກທິມບານເຕະເຍົາວະຊົນໄທ ທີ່ໄດ້ກູ້ໄພອອກຈາກຖໍ້າຫຼວງ
(ພາບ: TTXVN)

ຕາມອົງການສະຫະປະຊາຊາດກ່ຽວກັບຊາວລີ້ໄພແລ້ວ, ຄາດວ່າ ມີຜູ້ບໍ່ມີສັນຊາດຢູ່ປະເທດໄທ ປະມານ 480.000 ຄົນ. ຈໍານວນຄົນເຫຼົ່ານັ້ນ ສ່ວນຫຼາຍແມ່ນມາຈາກບັນດາກົກເຫຼົ່າ ຢູ່ເທິງພູ ແລະ ບັນດາຊາວເຜົ່າອື່ນທີ່ດໍາລົງຊີວິດຢູ່ເຂດຊາຍແດນໄທ, ມຽນມາ, ລາວ ແລະ ຈີນ ແຕ່ຫຼາຍສະຕະວັດກ່ອນ. ກົດໝາຍຂອງໄທໄດ້ກໍານົດວ່າ ປະຊາຊົນທີ່ຍົກຍ້າຍຖິ່ນຖານມາຢູ່ປະເທດໄທກ່ອນປີ 1999 ຫຼືເດັກນ້ອຍທີ່ເກີດຢູ່ປະເທດນີ້ກ່ອນປີ 1992 ແມ່ນສາມາດຈົດທະບຽນຂໍຖືສັນຊາດໄທໄດ້.

(ແຫຼ່ງຄັດຈາກ VOV)

ການສົ່ງອອກເຄື່ອງເອເລັກໂຕນິກມຸ່ງໄປເຖິງເປົ້າໝາຍບັນລຸ 145 ຕື້ USD

17/09/2025
ຂ່າວສານ

ໃນສະພາບການພູມສາດການເມືອງ ແລະ ເຕັກໂນໂລຢີທົ່ວໂລກ ມີການປ່ຽນແປງຢ່າງລຽນຕິດນັ້ນ, ຫວຽດນາມ ພວມຫັນປ່ຽນຈາກ “ໂຮງງານຜະລິດ” ກາຍເປັນສູນນະວັດຕະກໍາເຕັກໂນໂລຢີສູງຂອງພາກພື້ນ” ເທື່ອລະກ້າວ. ດ້ວຍວົງເງິນສົ່ງອອກເຄື່ອງເອເລັກໂຕນິກບັນລຸກວ່າ 125 ຕື້ USD ໃນປີ 2024 ແລະ ທ່າອຽງພວມເຕີບໂຕຢ່າງວ່ອງໄວ, ພ້ອມກັບການປະກົດຕົວຂອງສູນຄົ້ນຄວ້າ ແລະ ພັດທະນາ (R&D) ຕ່າງປະເທດທີ່ນັບມື້ນັບຫຼາຍ, ຫວຽດນາມ ພວມມຸ່ງໄປເຖິງເປົ້າໝາຍ ສົ່ງອອກເຄື່ອງເອເລັກໂຕນິກໃຫ້ບັນລຸ 145 ຕື້ USD.