ເວທີປາໄສເສດຖະກິດ ຫວຽດນາມ 2018
(ພາບ: Danh Lam – TTXVN)
ເວທີປາໄສເສດຖະກິດ ຫວຽດນາມ 2018 ໂດຍຄະນະກຳມະການເສດຖະກິດສູນກາງຈັດຕັ້ງໃນວັນທີ 11 ມັງກອນ, ຢູ່ຮ່າໂນ້ຍ. ໃນຂອບເຂດເວທີປາໄສໄດ້ດຳເນີນກອງປະຊຸມສຳມະນາສາກົນ 2 ຄັ້ງນັ້ນແມ່ນ “ເຕັກໂນໂລຢີ, ພະລັງງານຂຽວ ແລະ ພັດທະນາແບບຍືນຍົງ” ແລະ “ຍົກສູງສະມັດຕະພາບໃນສະພາບການຫັນເປັນອຸດສາຫະກຳ”.
ກ່າວຄຳເຫັນໄຂກອງປະຊຸມສຳມະນາ “ເຕັກໂນໂລຢີ, ພະລັງງານຂຽວ ແລະ ພັດທະນາແບບຍືນຍົງ”, ທ່ານ ຫງວຽນວັນບີ່ງ, ຫົວໜ້າຄະນະເສດຖະກິດສູນກາງ ຖືວ່າ:“ພັດທະນາພະລັງງານຂຽວໃນປະຈຸບັນນັບມື້ນັບແມ່ນທ່າອ່ຽງໃໝ່, ເຮັດໃຫ້ປ່ຽນແປງໂຄງປະກອບພະລັງງານປ່ຽນແປງຢ່າງວ່ອງໄວ. ຫຼາຍປະເທດໄດ້ສ້າງ ແລະ ປະຕິບັດບັນດາຍຸດທະສາດຢ່າງຮີບດ່ວນ, ນະໂຍບາຍພັດທະນາພະລັງງານຂຽວກັບວິໄສທັດໄລຍະຍາວ, ສຸມໃສ່ແຫຼ່ງກຳລັງກ່ຽວກັບມະນຸດ, ວິທະຍາສາດ, ເຕັກໂນໂລຢີ ແລະ ການເງິນ… ມຸ່ງໄປເຖິງການພັດທະນາພື້ນຖານເສດຖະກິດ ກາກບອນໃຫ້ຢູ່ໃນລະດັບຕ່ຳ, ຍືນຍົງ ແລະ ເປັນມິດກັບສິ່ງແວດລ້ອມ.”
ໃນຂະນະນັ້ນ, ທີ່ກອງປະຊຸມສຳມະນາ “ຍົກສູງສະມັດຕະພາບໃນສະພາບການຫັນເປັນອຸດສາຫະກຳ”, ບັນດາຜູ້ແທນໄດ້ປຶກສາຫາລືບັນດາບັນຫາ: ຮູບແບບການເຕີບໂຕໂດຍອີງໃສ່ເງິນລົງທຶນ, ຄ່າແຮງງານຖືກ ແລະ ຂຸດຄົ້ນຊັບພະຍາກອນ, ກາລະໂອກາດ ແລະ ສິ່ງທ້າທາຍຂອງ ຫວຽດນາມ ໃຫ້ແກ່ການບຸກທະລຸສະມັດຕະພາບອີງໃສ່ການປະດິດຄິດສ້າງ ແລະ ເຕັກໂນໂລຢີໃນສະພາບການເຊື່ອມໂຍງທົ່ວໂລກຂອງການປະຕິວັດອຸດສາຫະກຳ 4.0.
(ແຫຼ່ງຄັດຈາກ VOV)
