ຂ່າວສານ

ເພີ່ມທະວີການພົວພັນມິດຕະພາບ, ການຮ່ວມມື ຫວຽດນາມ ລາວ ກຳປູເຈຍ

22/08/2026

ທ່ານດ່ວານມິງຮວນ ຜູ້ອຳນວຍການສະຖາບັນການເມືອງແຫ່ງຊາດໂຮ່ຈີມິນ ເນັ້ນໜັກວ່າເລື່ອງເພີ່ມທະວີການພົວພັນແລກປ່ຽນ, ຮ່ຳຮຽນ ແລະ ການແລກປ່ຽນລະຫວ່າງພະນັກງານໜຸ່ມສາມປະເທດມີຄວາມໝາຍຍາວນານຕໍ່ການປັບປຸງ ແລະ ພັດທະນາການພົວພັນລະຫວ່າງບັນດາປະເທດ

ການຕ້ອນຮັບ (ພາບ: VNA)

ຕອນບ່າຍວັນທີ 22 ສິງຫາ,ຢູ່ຮ່າໂນ້ຍ, ທ່ານ ດ່ວານມິງຮວນ ຜູ້ອຳນວຍການສະຖາບັນການເມືອງແຫ່ງຊາດໂຮ່ຈີມິນ ໄດ້ໃຫ້ການຕ້ອນຮັບຄະນະການນຳໜຸ່ມພັກກອມມູນິດ ຫວຽດນາມ, ພັກປະຊາຊົນປະຕິວັດລາວ ແລະ ພັກປະຊາຊົນກຳປູເຈຍ, ເນື່ອງໃນໂອກາດເຂົ້າຮ່ວມລາຍການບຳລຸງສ້າງການນຳສາມພັກຄັ້ງທີ 4 ທີ່ຈັດຂຶ້ນຢູ່ຮ່າໂນ້ຍ. ທີ່ການຕ້ອນຮັບ, ທ່ານດວ່ານມິງຮວນ ປາດຖະໜາຢາກພະນັກງານໜຸ່ມສາມປະເທດ ຫວຽດນາມ, ລາວ ແລະ ກຳປູເຈຍສືບຕໍ່ເສີມຂະຫຍາຍຄວາມຮູ້, ປະຮຽນປະສົບການທີ່ເກັບມາດໄດ້ຈາກໂຄງການ, ໝູນໃຊ້ເຂົ້າວຽກງານຕົວຈິງຂອງແຕ່ລະປະເທດ; ພ້ອມທັງກາຍເປັນຂົວເຊື່ອມຕໍ່ສຳຄັນ, ປະກອບສ່ວນເພີ່ມຄວາມເຂົ້າໃຈ, ປັບປຸງນ້ຳໃຈສາມັກຄີ ແລະ ຊຸກຍູ້ການພົວພັນຮ່ວມມືລະຫວ່າງ ຫວຽດນາມ - ລາວ - ກຳປູເຈຍໃນໄລຍະຈະມາເຖິງ. ທ່ານດ່ວານມິງຮວນ ເນັ້ນໜັກວ່າເລື່ອງເພີ່ມທະວີການພົວພັນແລກປ່ຽນ, ຮ່ຳຮຽນ ແລະ ການແລກປ່ຽນລະຫວ່າງພະນັກງານໜຸ່ມສາມປະເທດມີຄວາມໝາຍຍາວນານຕໍ່ການປັບປຸງ ແລະ ພັດທະນາການພົວພັນລະຫວ່າງບັນດາປະເທດ, ທ່ານເຊື່ອໝັ້ນວ່າ ບັນດາສະມາຊິກຄະນະຈະສືບຕໍ່ສວມບົດບາດຢ່າງຕັ້ງໜ້າເຂົ້າການພັດທະນາຂອງແຕ່ລະປະເທດ ແລະ ກາຍເປັນກຳລັງຫຼັກແຫຼ່ງໃນການເພີ່ມພູນຄູນສ້າງການພົວພັນມິດຕະພາບ, ຮ່ວມມື ຫວຽດນາມ - ລາວ - ກຳປູເຈຍ.

(ແຫຼ່ງຄັດຈາກ VOV)