ທ່ານ ຫງວຽນແທງຟອງ, ປະທານຄະນະກະມະການປະຊາຊົນ ນະຄອນໂຮ່ຈີມິນໄດ້ໃຫ້ການຕ້ອນຮັບທ່ານ ຢ໋ວານເຈິ໊ງພາ,
ເຈົ້າແຂວງໆ ຢູນນານ (ຈີນ) (ພາບ: TTXVN)
ຕອນຄ່ຳວັນທີ 31 ພຶດສະພາ, ທ່ານ ຫງວຽນແທງຟອງ, ປະທານຄະນະກະມະການປະຊາຊົນ ນະຄອນໂຮ່ຈີມິນໄດ້ໃຫ້ການຕ້ອນຮັບທ່ານ ຢ໋ວານເຈິ໊ງພາ, ເຈົ້າແຂວງໆ ຢູນນານ (ຈີນ) ເຊິ່ງພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານ ຫງວຽນແທງຟອງ ໃຫ້ຮູ້ວ່າ: ນະຄອນ ໂຮ່ຈີມິນ ໄດ້ລົງນາມການຮ່ວມມືກັບ 8 ແຂວງ, ນະຄອນຂອງ ຈີນ, ໃນນັ້ນມີ ແຂວງຢູນນານ, ຜ່ານນັ້ນຢັ້ງຢືນການພົວພັນທີ່ເປັນມູນເຊື້ອຢ່າງດີງາມລະຫວ່າງ ຫວຽດນາມ ແລະ ຈີນເວົ້າລວມ, ລະຫວ່າງ ນະຄອນໂຮ່ຈີມິນກັບ ແຂວງ ຢູນນານ ເວົ້າສະເພາະມີການພັດທະນາຢ່າງບໍ່ຢຸດຢັ້ງ. ທ່ານ ຫງວຽນແທງຟອງ ສະເໜີໃຫ້ ສອງຝ່າຍສືບຕໍ່ຜັນຂະຫຍາຍການພົວພັນທີ່ເປັນມູນເຊື້ອອັນດີງາມ; ເພີ່ມທະວີການຮ່ວມມືໃນຫຼາຍຂົງເຂດຄືການທ່ອງທ່ຽວ, ການສຶກສາ - ບຳລຸງສ້າງ, ເປັນຕົ້ນແມ່ນການຮ່ວມມືໄລຍະສັ້ນລະຫວ່າງສະຖາບັນພະນັກງານໂຮ່ຈີມິນ ແລະ ສະຖາບັນການປົກຄອງແຂວງ ຢູນນານ ກ່ຽວກັບການພັດທະນາແຫຼ່ງຊັບພະຍາກອນມະນຸດ, ກໍ່ສ້າງພື້ນຖານໂຄງລ່າງ, ນະຄອນອັດສະລິຍະ ແລະ ຂະແໜງ Logistic.
ໂດຍແຈ້ງໃຫ້ຊາບກ່ຽວກັບສະພາບເສດຖະກິດ - ສັງຄົມ ຂອງ ແຂວງ ຢູນນານ, ທ່ານ ຢ໋ວານເຈິ໊ງພາ ປາດຖະໜາຢາກຮ່ວມມືກັບນະຄອນໂຮ່ຈີມິນໃນຂົງເຂດການທ່ອງທ່ຽວ; ທ່ານໃຫ້ຮູ້ວ່າ ດ້ວຍຄວາມສາມາດບົ່ມຊ້ອນ ແລະ ທ່າແຮງຫຼາຍຢ່າງ, ປູຊະນີຍະສະຖານຫຼາຍແຫ່ງ, ເລື່ອງນຳໃຊ້ເຕັກໂນໂລຢີຂອງແຂວງຢູນນານເຂົ້າໃນການປະຕິບັດບັນດາບໍລິການສາທາລະນຸປະໂພກ, ຈະດຶງດູດແຂກທ່ອງທ່ຽວມາຢ້ຽມຊົມ ແລະ ພັກຜ່ອນບຳລຸງສຸຂະພາບນັບມື້ນັບຫຼາຍຂຶ້ນ.
(ແຫຼ່ງຄັດຈາກ VOV)
