ໃນຂອບເຂດການຢ້ຽມຢາມ ຫວຽດນາມຢ່າງເປັນທາງການ, ວັນທີ 4 ພະຈິກ, ທ່ານ ສອນໄຊ ສີພັນດອນ ປະທານສະພາແຫ່ງຊາດ ສປປ.ລາວ ພ້ອມກັບພັນລະຍາ ແລະ ຄະນະຜູ້ແທນຂັ້ນສູງສະພາແຫ່ງຊາດ ລາວ ໄດ້ມາຢ້ຽມຢາມ ແລະ ເຮັດວຽກຢູ່ ຝູເຖາະ.
ທີ່ການເຮັດວຽກ, ທ່ານ ຟ້າມດ້າຍເຢືອງ ເລຂາຄະນະພັກແຂວງຝູເຖາະ ໄດ້ສະເໜີຍູ້ແຮງການເຊື່ອມຕໍ່ວິສາຫະກິດ, ສົ່ງເສີມການຄ້າ, ການລົງທຶນ; ເປີດກ້ວາງການຮ່ວມມືໃນບັນດາຂົງເຂດອຸດສາຫະກຳປຸງແຕ່ງ, ກະສິກຳ, ການບໍລິການ; ເພີ່ມທະວີການພົບປະແລກປ່ຽນວັດທະນະທຳ, ການທ່ອງທ່ຽວ, ກິລາ ແລະ ການພົບປະແລກປ່ຽນປະຊາຊົນ. ພິເສດ, ຝູເຖາະ ໄດ້ເຊື້ອເຊີນບັນດາທ້ອງຖິ່ນລາວ ເຂົ້າຮ່ວມ ວັນບຸນວິຫານຮຸ່ງ ປະຈຳປີ, ປະກອບສ່ວນເພີ່ມທະວີຄວາມເຂົ້າໃຈ ແລະ ນ້ຳໃຈສາມັກຄີລະຫວ່າງປະຊາຊົນສອງປະເທດ. ການຮ່ວມມືໃນຂົງເຂດການແພດ, ວິທະຍາສາດ - ເຕັກໂນໂລຢີ ແລະ ການຫັນເປັນດີຈີຕອນກໍ່ໄດ້ກຳນົດ ແມ່ນບັນດາເນື້ອໃນທີ່ຈຳເປັນຕ້ອງໄດ້ຮັບຄວາມສົນໃຈຊຸກຍູ້.
ສ່ວນທ່ານປະທານສະພາແຫ່ງຊາດ ລາວ ສອນໄຊ ສີພັນດອນ ມີຄວາມຫວັງຢ່າງຍິ່ງວ່າ ແຂວງຝູເຖາະຈະປະສານສົມທົບກັບບັນດາທ້ອງຖິ່ນຂອງລາວຢ່າງແໜ້ນແຟ້ນເພື່ອຈັດບັນດາການເຄື່ອນໄຫວແນໃສ່ຍູ້ແຮງການພົບປະແລກປ່ຽນປະຊາຊົນ ແລະ ການສຶກສາໃຫ້ໄວໜຸ່ມ ກ່ຽວກັບມູນເຊື້ອການພົວພັນແບບພິເສດລະຫວ່າງສອງຊາດ.
