ຂ່າວສານ

ຮຽກຮ້ອງຕ້ອງຮັບປະກັນຄວາມປອດໄພໃຫ້ແກ່ແຮງງານຫວຽດນາມຢູ່ມາເລເຊຍ

20/03/2020

ຕໍ່ໜ້າສະພາບ ຈຳນວນຜູ້ຕິດເຊື້ອພະຍາດCovid– 19 ເພີ່ມຂຶ້ນ, ນັບແຕ່ວັນທີ 18 ມີນາຫາວັນທີ 31 ມີນາ 2020, ລັດຖະບານມາເລເຊຍເກືອດຫ້າມບໍ່ໃຫ້ມີການເດີນທາງໄປມາແລະເຕົ້າໂຮມຫຼາຍຄົນ, ຈຳກັດຊາວຕ່າງປະເທດເຂົ້າເມືອງມາເລເຊຍ (ຍົກເວັ້ນບາງກໍລະນີພິເສດ), ປິດປະຕູໂຮງຮຽນ, ບັນດາອົງການລັດຖະບານແລະເອກະຊົນ (ຍົກເວັ້ນບັນດາອົງການສະໜອງບັນດາການບໍລິການທີ່ຈຳເປັນ), ຈຳກັດຊາວມາເລເຊຍເດີນທາງໄປຕ່າງປະເທດ…

ຕໍ່ໜ້າການຜັນແປຢ່າງສັບສົນຂອງໂລກລະບາດCovid– 19 ຢູ່ມາເລເຊຍ, ກົມຄຸ້ມຄອງແຮງງານຕ່າງປະເທດ (ສັງກັດກະຊວງແຮງງານ, ທະຫານເສຍອົງຄະແລະສັງຄົມຫວຽດນາມ) ໄດ້ມີເອກະສານທາງການຮຽກຮ້ອງໃຫ້ບັນດາວິສາຫະກິດສົ່ງແຮງງານໄປເຮັດວຽກຢູ່ຕ່າງປະເທດຕ້ອງປຶກສາຫາລືກັບຄູ່ຮ່ວມມືກ່ຽວກັບແຜນການອອກເມືອງຂອງແຮງງານຫວຽດນາມເພື່ອຮັບປະກັນໃຫ້ ຈຳນວນແຮງງານເຫຼົ່ານັ້ນໄດ້ເຂົ້າເມືອງຢ່າງຖືກຕ້ອງຕາມກົດໝາຍ, ປອດໄພ, ຫຼີກລ້ຽງຄວາມສ່ຽງຕິດໂລກລະບາດCovid– 19. ແຈ້ງໃຫ້ແກ່ແຮງງານຫວຽດນາມທີ່ພວມເຮັດວຽກຢູ່ມາເລເຊຍຮັບຊາບກ່ຽວກັບບັນດາຂໍ້ກຳນົດຂອງລັດຖະບານມາເລເຊຍແລະແນະນຳ ບັນດາມາດຕະການປ້ອງກັນ, ຕ້ານແລະຫຼີກລ້ຽງການຕິດເຊື້ອພະຍາດCovid- 19.

(ແຫຼ່ງຄັດຈາກ VOV)

ເປີດຕົວລາຍການສະແດງສິລະປະຄຸນນະພາບສູງຄັ້ງທຳອິດທີ່ມີເຄື່ອງໝາຍການຄ້ານະຄອນຫຼວງ

26/07/2026
ຂ່າວສານ

ຜ່ານລາຍການ, ຄະນະຈັດຕັ້ງປາດຖະໜາຢາກແນະນຳຄວາມງາມດ້ານວັດທະນະທຳ, ປະຫວັດສາດ, ຊາວຮ່າໂນ້ຍ ດ້ວຍພາສາສິລະປະແຈ່ວ, ສ້າງຜະລິດຕະພັນສະແດງປະຈຳໄລຍະເທື່ອລະກ້າວ, ກາຍເປັນສະຖານທີ່ວັດທະນະທຳທີ່ດຶງດູດໃຈແຂກທ່ອງທ່ຽວທັງຢູ່ພາຍໃນ ແລະ ສາກົ