ໃນລະຫວ່າງວັນທີ 28 – 29 ກໍລະກົດປີ 2021 ຄະນະຜູ້ແທນອົງການກວດສອງບັນຊີແຫ່ງລັດ ຫວຽດນາມ, ໂດຍທ່ານນາງ ຮ່າມິມີຢຸງ ຮອງຫົວໜ້າອົງການກວດສອບບັນຊີແຫ່ງລັດ ຫວຽດນາມ ເປັນຫົວໜ້າຄະນະ ໄດ້ເຂົ້າຮ່ວມກອງປະຊຸມຂັ້ນສູງຄັ້ງທີ 6 ຂອງອົງການຈັດຕັ້ງ ບັນດາອົງການກວດສອບບັນຊີສູງສຸດ ອາຊີຕາເວັນອອກສ່ຽງໃຕ້ - ASEANSAI, ຕາມຮູບການທາງອອນລາຍ. ກອງປະຊຸມໂດຍ ອົງການກວດສອບບັນຊີແຫ່ງລັດ ມາເລເຊຍ ເຊິ່ງເປັນປະທານ ASEANSAI ໃນໄລຍະ 2020 – 2021 ເປັນປະທານ.
ທີ່ກອງປະຊຸມ, ທ່ານນາງ ຮ່າທິມີຢຸງ ຢັ້ງຢືນວ່າ ອົງການກວດສອບບັນຊີແຫ່ງລັດ ຫວຽດນາມ ໃຫ້ຄຳໝັ້ນສັນຍາຈະ ສືບຕໍ່ເຂົ້າຮ່ວມຢ່າງຕັ້ງໜ້າ ໃນບັນດາການເຄື່ອນໄຫວຮັດແໜ້ນການພົວພັນລະຫວ່າງບັນດາສະມາຊິກ, ປະກອບສ່ວນປະຕິບັດຢ່າງມີໄຊ ບັນດາເປົ້າໝາຍ ທີ່ໄດ້ຍົກອອກມາຢູ່ປະຊາຄົມ ASEANSAI.
ດ້ວຍຖານະເປັນປະທານຄະນະກຳມະການແຜນການຍຸດທະສາດ ASEANSAI, ອົງການກວດສອບບັນຊີແຫ່ງລັດ ຫວຽດນາມ ໄດ້ເປັນປະທານສະເໜີ ແລະ ປຶກສາຫາລືກ່ຽວກັບແຜນຮ່າງແຜນການຍຸດທະສາດ ASEANSAI 2022 – 2025, ແຜນການເຄື່ອນໄຫວໄລຍະ 2022 – 2023 ຂອງ ຄະນະກຳມະການແຜນການຍຸດທະສາດ. ທຽບໃສ່ກັບແຜນການຍຸດທະສາດຂອງໄລຍະ 2018 – 2021, ແຜນການຍຸດທະສາດ ASEANSAI 2022 – 2025 ໄດ້ເພີ່ມເຕີ່ມວິໄສທັດ, ພາລະກຳ, ມູນຄ່າຫຼັກ ຂອງບັນດາເນື້ອໃນກ່ຽວກັບລັກສະນະເປັນມືອາຊີບ, ການປ່ຽນແປງໃໝ່, ມີປະຕິກິລິຍາໂດຍໄວ ໃນສະພາບການເຄື່ອນໄຫວທີ່ຂະຫຍັນຂັນເຄື່ອນ ແລະ ຂາດສະຖຽນລະພາບຄືໃນປັດຈຸບັນ.
(ແຫຼ່ງຄັດຈາກ VOV)
