ທີ່ການໂອ້ລົມສົນທະນາ, ຜູ້ຕາງໜ້າວິສາຫະກິດ, ກຸ່ມບໍລິສັດໃຫ່ຍປະມານ 50 ແຫ່ງ ແລະ ບັນດານັກປັນຍາຊົນ ໄດ້ປະກອບຄຳເຫັນດ້ວຍຄວາມຕັດສິນໃຈ, ຄືດັ່ງຄຳຄຳເວົ້າຂອງທ່ານນາຍົກລັດຖະມົນຕີທີ່ວ່າ “ພ້ອມກັນກະທຳ, ພ້ອມກັນຫັນຄວາມມຸ່ງຫວັງຂອງປະທານໂຮ່ຈີມິນ ກ່ຽວກັບປະເທດຫວຽດນາມ ຮຸ່ງເຮືອງເຂັ້ມແຂງ, ສະຫງ່າລາສີ, ເທົ່າທຽມກັບບັນດາປະເທດທະຫາອຳນາດໃນ 5 ທະວີບໃນປີ 2045 ຄືເນື້ອໃນຈິດໃຈ ຂອງກອງປະຊຸມໃຫ່ຍທົ່ວປະເທດ ພັກກອມມູນິດຫວຽດນາມ ຄັ້ງທີ 13” ໃຫ້ປະກົດຜົນເປັນຈິງ.
ທ່ານເຈືອງຢາບິນ, ປະທານກຸ່ມບໍລິສັດ FPT, ຫົວໜ້າຄະນະຄົ້ນຄວ້າພັດທະນາເສດຖະກິດພາກເອະຊົນ ຂອງສະພາທີ່ປຶກສາການປະຕິຮູບ ລະບຽບດ້ານບໍລິຫານຂອງນາຍົກລັດຖະມົນຕີ ຢືນຢັນວ່າ: ປະຊາຊົນຫວຽດນາມ ມີຄວາມມຸ່ງຫວັງລວມ ນັ້ນແມ່ນນຳປະເທດຊາດ ກາຍເປັນປະເທດ ເຂັ້ມແຂງແຮງກ້າ ແລະ ເພື່ອມີຄວາມມຸ່ງຫວັງນັ້ນຕ້ອງມີ “ຄວາມໄວ້ເນື່ອເຊື່ອໃຈທີ່ໃຫ່ຍຫຼວງ” ລະຫວ່າງລັດຖະບານ ແລະ ວິສາຫະກິດ. ປະຊາຄົມວິສາຫະກິດປາດຖະໜາ ຢາກໃຫ້ລັດຖະບານມີຄວາມເຊື່ອໝັ້ນຕໍ່ວິສາຫະກິດພາກເອກະຊົນຫວຽດນາມ:
ວິສາຫະກິດປາດຖະໜາ ຢາກໃຫ້ລັດຖະບານສ້າງນະໂຍບາຍ, ເຮັດວຽກງານໃຫ່ຍ, ສ່ວນວຽກງານລະອຽດແມ່ນວິສາຫະກິດເຮັດ. ພວກຂ້າພະເຈົ້າກໍ່ມີຄວາມປາດຖະໜາວ່າ ລັດຖະບານຈະໜູນຊ່ວຍທຸກແນວຄວາມຄິດຂອງວິສາຫະກິດ. ເຮັດວຽກໃດທີ່ດີຕໍ່ປະເທດຊາດ, ຕໍ່ປະຊາຊົນ, ຕໍ່ເສດຖະກິດ ແລະ ດີຕໍ່ການເຕີບໂຕແມ່ນຄວນເຮັດ.
ຕາມທ່ານປະລິນຍາເອກ ໂດ້ແອັງຕວັນ, ອາຈານສອນຢູ່ມະຫາວິທະຍາໄລ Fulbright ແລ້ວ, ຫວຽດນາມ ຍັງແມ່ນໜຶ່ງໃນບັນດາປະເທດມີລະດັບການເຕີບໂຕແຮງ ປະມານ 7%/ປີ ແລະ ຖ້າຫາກຮັກສາໄດ້ລະດັບເຕີບໂຕນີ້, ຮອດປີ 2045, ຫວຽດນາມ ຈະບັນລຸມາດຖານລາຍຮັບສູງຂອງໂລກໄດ້. ເພື່ອເຮັດໄດ້ສິ່ງດັ່ງກ່າວ, ລັດຖະບານມີບົດບາດສຳຄັນທີ່ສຸດໃນການສ້າງ, ໜູນຊ່ວຍ, ຊຸກຍູ້ດ້ວຍນະໂຍບາຍ. ທ່ານປະລິນຍາເອກ ໂດ້ແອັງຕວັນ ຖືວ່າ:
ລັດຖະບານມີບົດບາດສຳຄັນທີ່ສຸດໃນການສ້າງ, ຊຸກຍູ້, ໜູນຊ່ວຍດ້ວຍຫຼາຍນະໂຍບາຍ ໃນຄວາມຄິດຂອງການນຳ ແມ່ນຮັບໃຊ້ປະຊາຊົນ. ຂ້າພະເຈົ້າຫວັງວ່າ ຫວຽດນາມ ນັບມື້ນັບຈະມີຫຼາຍນັກທຸລະກິດທີ່ເປັນຫົວໜ້າທີ່ດີເດັ່ນ, ມີຈິດໃຈກ້າຄິດກ້າທຳ, ຕັດສິນໃຈປະຕິບັດ, ຮັບໃຊ້ປະເທດຊາດ, ຮັບໃຫ້ປະຊາຊົນ. ມີຄວາມຮັບຜິດຊອບ-ກຽດສັກສີ-ມະໂນທຳ.
ທ່ານນາງຟ້າມທິເຟືອງຖາວ, ປະທານກຸ່ມບໍລິສັດ Sovico, ຜູ້ອຳນວຍການໃຫ່ຍ Vietjet Air (ພາບ: baochinhphu.vn)
ທ່ານນາງຟ້າມທິເຟືອງຖາວ, ປະທານກຸ່ມບໍລິສັດ Sovico, ຜູ້ອຳນວຍການໃຫ່ຍ Vietjet Air, ຢືນຢັນວ່າ: “ການໂອ້ລົມສົນທະນາປີ 2045” ໄດ້ນຳມາເຊິ່ງການລະດົມກຳລັງໃຈອັນໃຫ່ຍຫຼວງໃນດ້ານຈິດໃຈສຳລັບນັກທຸລະກິດ, ຜູ້ຊົງຄຸນວຸດທິ ແລະ ນັກປັນຍາຊົນ. ຕາມທ່ານນາງ ຟ້າມທິເຟືອງຖາວ ແລ້ວ, ວິສາຫະກິດພາກເອກະຊົນ ຕ້ອງມີການປ່ຽນແປງໃນດ້ານຈິນຕະນາການ, ຄວາມຂ້ຽວຂາດ, ປະສິດທິຜົນຫຼາຍທີ່ສຸດ ດ້ວຍບັນດານະໂຍບາຍລຸລ່ວງຈາກລັດຖະບານ, ກະຊວງ ຂະແໜງການ, ທ້ອງຖິ່ນ, ສ້າງສະພາບແວດລ້ອມແຫ່ງການດຳເນີນທຸລະກິດສະເໝີພາບລະຫວ່າງບັນດາພາກສ່ວນເສດຖະກິດ, ລະຫວ່າງບັນດາວິສາຫະກິດນຳກັນ:
ພວກຂ້າພະເຈົ້າປາດຖະໜາວ່າ, ລັດຖະບານຈະມີຄວາມໄວ້ເນຶ້ອເຊື່ອໃຈຕໍ່ວິສາຫະກິດພາກເອກະຊົນ. ໜູນຊ່ວຍສ້າງບັນດາກຸ່ມເສດຖະກິດພາກເອກະຊົນທີ່ມີກຳລັງແຮງ ແລະ ເຄື່ອງໝາຍການຄ້າແຫ່ງຊາດ, ສາກົນ, ຊຸກຍູ້ບັນດາວິສາຫະກິດຂະໜາດກາງ ແລະ ນ້ອຍ, ເຂດກະສິກຳຊົນນະບົດ ແລະ ບັນດາບໍລິສັດ start up.
ທ່ານໂດ້ມິນຟູ ປະທານສະພາບໍລິຫານທະນາຄານ TPBank, ຕີລາຄາວ່າ: ປະຈຸບັນ, ພັກ ແລະ ລັດ ໄດ້ຕັ້ງເສດຖະກິດພາກເອກະຊົນ ຖືກກັບທີ່ຕັ້ງ ແລະ ບົດບາດຂອງເສດຖະກິດພາກເອກະຊົນ ຕາມທິດນັບມື້ນັບຕັ້ງໜ້າກ່ວາ. ຕາມບົດລາຍງານຂອງກະຊວງແຜນການ ແລະ ການລົງທຶນ ເມື່ອທ້າຍປີ 2019, ເສດຖະກິດພາກເອກະຊົນກວມ 42% GDP ແລະ ປະກອບ 30% ເຂົ້າໃນງົບປະມານແຫ່ງລັດ. ສິ່ງສຳຄັນຄັນກ່ວາອີກ ນັ້ນແມ່ນ ເສດຖະກິດພາກເອກະຊົນ ໄດ້ສ້າງ 85% ວຽກເຮັດງານທຳໃຫ້ແກ່ພື້ນຖານເສະຖະກິດ. ແລະ ຮອດປີ 2030, ຄາດວ່າ ເສດຖະກິດພາກເອກະຊົນຈະກວມເອົາ 60% GDP ໃນອັດຕາສ່ວນຂອງພື້ນຖານເສດຖະກິດ.
ກ່າວຄຳເຫັນສະຫລຸບ“ການໂອ້ລົມສົນທະນາປີ 2045”, ທ່ານນາຍົກລັດຖະມົນຕີ ຫງວຽນຊັວນຝຸກ ປາດຖະໜາວ່າ: ທຸກວິສາຫະກິດຈະຮ່ວມແຮງຮ່ວມໃຈເຮັດໃຫ້ປະເທດຫວຽດນາມ ກາຍເປັນປະເທດຮຸ່ງເຮືອງເຂັ້ມແຂວງ, ເປັນແຫ່ງທີ່ບັນດານັກປັນຍາຊົນ, ຜູ້ມີຄວາມເກັ່ງກ້າສາມາດທຸກຄົນ ລ້ວນແຕ່ມີໂອກາດເພື່ອອຸທິດສ່ວນ, ຮັບໃຊ້, ມີຫຼາຍວິສາຫະກິດບືນຕົວຂຶ້ນ ກາຍເປັນກຸ່ມບໍລິສັດທົ່ວໂລກ. ທ່ານນາຍົກລັດຖະມົນຕີ ຢືນຢັນວ່າ ຫວຽດນາມ ໃນປີ 2045 ຈະແມ່ນພາບພົດທີ່ສວຍງາມ ຊື່ງຊາວຫວຽດນາມ ລຸ້ນປະຈຸບັນ ແລະ ອະນາຄົດທຸກຄົນ ຕ່າງກໍ່ມີໂອກາດເອົາວາດແຕ້ມຂອງຕົນໃສ່ພາບດັ່ງກ່າວ.
(ແຫຼ່ງຄັດຈາກ VOV)
