ຫວຽດນາມຍາດໄດ້ຫຼາຍລາງວັນຢູ່
ງານປະກວດດົນຕີສາກົນສະຫະລັດອາເມລິກາ
(ພາບ: qdnd.vn)
ຕາມຂໍ້ມູນຈາກສະຖາບັນດົນຕີແຫ່ງຊາດຫວຽດນາມ, ຄະນະນັກແຂ່ງຂັນເປຼຍໂນ ປະກອບມີ 7 ນ້ອງ (ອາຍຸແຕ່ 9 ເຖິງ 18 ປີ) ຂອງສະຖາບັນ, ໄດ້ຮັບຜົນງານສູງ, ດ້ວຍ 22 ລາງວັນທີ່ຕ່າງກັນ ຢູ່ງານມະຫາກຳດົນຕີສາກົນ Lansum 2016, ເຊິ່ງຈັດຕັ້ງ ຢູ່ສະຫະລັດອາເມລິກາ ແຕ່ວັນທີ 5-18/8 ຜ່ານມາ. ງານມະຫາກຳ ມີຜູ້ແຂ່ງຂັນ ກວ່າ 100 ຄົນ ທີ່ມາຈາກ ປະເທດຕ່າງໆເຊັ່ນ: ສະຫະລັດອາເມລິກາ, ຈີນ, ຫວຽດນາມ… ເຊິ່ງໄດ້ແຂ່ງຂັນບົດປະພັນດົນຕີຂອງນັກດົນຕີ Mozart, Chopin, Beethoven… ແລະ ຕາມລຸ້ນອາຍຸຂອງຜູ້ແຂ່ງຂັນ. ຫວຽດນາມ ຍາດລາງວັນທີໜຶ່ງໄດ້ 6 ລາງວັນ ຕາມລຸ້ນອາຍຸ ແລະ ນັກດົນຕີ, ປະກອບມີ: ເຈີ່ນມິງເຈົາ (3 ລາງວັນ); ເຈືອງທິເງິນຮ່າ (2 ລາງວັນ); ຟານທຽນແບ໋ກແອງ (1 ລາງວັນ); ນອກຈາກນັ້ນ ຍັງມີ ລາງວັນທີສອງ 7 ລາງວັນ, ລາງວັນທີສາມ 5 ລາງວັນ ແລະ ລາງວັນຊົມເຊີຍ 4 ລາງວັນ.
ງານປະກວດດົນຕີສາກົນສະຫະລັດອາເມລິກາ
(ພາບ: qdnd.vn)
(ແຫຼ່ງຄັດຈາກ VOV)
