ການນຳບັນດາກະຊວງ, ຂະແໜງການ ແລະ ທ້ອງຖິ່ນ ສືບຕໍ່ປະກອບຄຳເຫັນໃສ່ບັນດາບົດລາຍງານກ່ຽວກັບວຽກງານຊີ້ນຳ, ບໍລິຫານຂອງລັດຖະບານໃນປີ
(ພາບ: TTXVN)
ໂດຍສືບຕໍ່ກອງປະຊຸມໂດຍກົງຜ່ານເຄືອຂ່າຍອີນເຕີແນັດທົ່ວປະເທດລະຫວ່າງລັດຖະບານ ແລະ ບັນດາທ້ອງຖິ່ນ, ໃນມື້ເຮັດວຽກວັນທີ 31 ທັນວາ, ການນຳບັນດາກະຊວງ, ຂະແໜງການ ແລະ ທ້ອງຖິ່ນ ສືບຕໍ່ປະກອບຄຳເຫັນໃສ່ບັນດາບົດລາຍງານກ່ຽວກັບວຽກງານຊີ້ນຳ, ບໍລິຫານຂອງລັດຖະບານໃນປີ, ກໍ່ຄືບັນດາຂໍ້ສະເໜີແນະສຳລັບລັດຖະບານ.
ກ່ອນໜ້ານັ້ນ, ທີ່ວາລະໄຂກອງປະຊຸມໃນຕອນເຊົ້າວັນທີ 30 ທັນວາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຢືນຢັນບັນດາຜົນງານທາງດ້ານເສດຖະກິດສັງຄົມປີ 2019 ເປັນສິ່ງພິສູດໃຫ້ເຫັນເຈດຈຳນົງມານະພະຍາຍາມ, ຈິດໃຈສາມັກຄີພ້ອມກັບຄວາມຕັດສິນໃຈອັນໃຫຍ່ຫຼວງ, ຫວຽດນາມ ຈະບັນລຸໄດ້ຜົນງານຫຼາຍຢ່າງ, ໃນນັ້ນມີບັນດາເປົ້າໝາຍຄາດວ່າຍາກທີ່ຈະບັນລຸໄດ້.
ກ່ຽວກັບໜ້າທີ່ລະອຽດໃນປີ 2020, ທ່ານນາຍົກລັດຖະມົນຕີ ຫງວຽນຊວນຟຸກ, ເນັ້ນໜັກວ່າ.
“ຂ້າພະເຈົ້າຢາກໄດ້ຮັບຟັງຄຳຄິດຄຳເຫັນຂອງບັນດາຂະແໜງການ, ທ້ອງຖິ່ນ, ໃນນັ້ນສຸມໃສ່ໂດຍກົງເຂົ້າບັນດາໝາກຜົນພົ້ນເດັ່ນ ແລະ ບັນດາຄວາມຫຍຸ້ງຍາກ, ຕິດຄັດ; ບັນດາບັນຫາລະຫວ່າງຂະແໜງ, ລະຫວ່າງເຂດ, ເພີ່ມທະວີການສົມທົບກັນເຮັດແນວໃດເພື່ອເສີມຂະຫຍາຍຄວາມສາມາດບົ່ມຊ້ອນ, ທ່າແຮງ, ຍົກສູງປະສິດທິຜົນການຈັດແບ່ງ ແລະ ນຳໃຊ້ແຫຼ່ງກຳລັງ… ເຮັດແນວໃດເພື່ອສ້າງການຫັນປ່ຽນຢ່າງຈະແຈ້ງ, ມີປະສິດທິຜົນໃນການປະຕິບັດບັນດາໜ້າທີ່, ມາດຕະການແກ້ໄຂທີ່ໄດ້ວາງອອກໃນປີ 2020.”
(ແຫຼ່ງຄັດຈາກ VOV)
