ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມ
(ພາບ: TTXVN)
ວັນທີ 21 ເມສາ, ເມື່ອຕອບຄຳຖາມຂອງສື່ມວນຊົນກ່ຽວກັບຂໍ້ມູນຂ່າວໃນມໍ່ໆມານີ້ທີ່ ກ່ຽວຂ້ອງເຖິງສະພາບການສັບສົນຢູ່ບາງເຂດທະເລຂອງບາງປະເທດອາຊຽນ, ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມ ເນັ້ນໜັກວ່າ: “ໂດຍແມ່ນປະເທດຢູ່ແຄມທະເລຕາເວັນອອກ ແລະ ແມ່ນສະມາຊິກຂອງອາຊຽນ, ຫວຽດນາມ ມີຄວາມເອົາໃຈໃສ່, ຕິດຕາມສະພາບການຢ່າງໃກ້ຊິດ. ຫວຽດນາມ ປາດຖະໜາຢ່າງຈິງໃຈວ່າ ສິດ, ຜົນປະໂຫຍດອັນຊອບທຳຂອງບັນດາປະເທດທີ່ເໝາະສົມກັບສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ຈະໄດ້ຮັບການເຄົາລົບ; ບັນດາຝ່າຍທີ່ກ່ຽວຂ້ອງຕ້ອງມີຄວາມຮັບຜິດຊອບປະຕິບັດກົດໝາຍສາກົນ, ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ສະແດງໃຫ້ເຫັນຄຳໝັ້ນສັນຍາພັດທະນາການພົວພັນມິດຕະພາບລະຫວ່າງບັນດາປະເທດ ແລະ ສັນຕິພາບ, ສະຖຽນລະພາບ, ການຮ່ວມມືຢູ່ທະເລຕາເວັນອອກ, ພາກພື້ນ ແລະ ໃນໂລກ”.
(ແຫຼ່ງຄັດຈາກ VOV)
