ຂ່າວສານ

ຫວຽດນາມ ຟື້ນຟູເສດຖະກິດຫຼັງໂຄວິດ-19, ກາລະໂອກາດໃຫ້ແກ່ວົງການນັກທຸລະກິດອິນໂດເນເຊຍ

13/06/2020

ທ່ານເອກອັກຄະລັດຖະທູດອິນໂດເນເຊຍ ປະຈຳຫວຽດນາມ Ibnu Hadi ໄດ້ຮຽກຮ້ອງໃຫ້ບັນດານັກລົງທຶນອິນໂດເນເຊຍ ຂຸດຄົ້ນບັນດາກາລະໂອກາດໃນການດຳເນີນທຸລະກິດຢູ່ຫວຽດນາມ.

ວັນທີ 11 ມິຖຸນາ, ທີ່ກອງປະຊຸມທາງອອນລາຍ ດ້ວຍຫົວຂໍ້ວ່າ “ການຟື້ນຟູເສດຖະກິດຂອງຫວຽດນາມ ຫຼັງໂຄວິດ-19: ກາລະໂອກາດໃຫ້ວົງການນັກທຸລະກິດອິນໂດເນເຊຍ”, ທ່ານເອກອັກຄະລັດຖະທູດອິນໂດເນເຊຍ ປະຈຳຫວຽດນາມ Ibnu Hadi ໄດ້ຮຽກຮ້ອງໃຫ້ບັນດານັກລົງທຶນອິນໂດເນເຊຍ ຂຸດຄົ້ນບັນດາກາລະໂອກາດໃນການດຳເນີນທຸລະກິດຢູ່ຫວຽດນາມ. ທ່ານ Ibnu Hadi ເນັ້ນໜັກວ່າ: “ພາຍຫຼັງໂລກລະບາດໂຄວິດ-19, ຫວຽດນາມ ພວມສຸມໃສ່ເຂົ້າໃນການຟື້ນຟູການດຳເນີນທຸລະກິດ, ສົ່ງເສີມການສົ່ງອອກ ແລະ ດຶງດູດການລົງທຶນໂດຍກົງຈາກຕ່າງປະເທດ. ຂ້າພະເຈົ້າຫວັງວ່າ, ບັນດານັກທຸລະກິດອິນໂດເນເຊຍ ສາມາດນຳໃຊ້ກາລະໂອກາດໃນປະຈຸບັນ, ລະອຽດແມ່ນເພີ່ມທະວີການສົ່ງອອກຢູ່ຫວຽດນາມ, ຫຼັງຈາກນັ້ນແມ່ນເພີ່ມຄວາມຕ້ອງການສຳລັບບັນດາຜະລິດຕະພັນທີ່ນຳເຂົ້າ”.

(ແຫຼ່ງຄັດຈາກ VOV)

ເປີດສະຫຼອງສູນອາວະກາດ ຫວຽດນາມ: ພັດທະນາວິທະຍາສາດເຕັກໂນໂລຢີຈັກກະວານອາວະກາດ

14/03/2026
ຂ່າວສານ

ຕອນເຊົ້າວັນທີ 13 ມີນາ, ຢູ່ເຂດອຸດສາຫະກຳສູງ ຮວ່າລາກ, ຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ບັນດາຜູ້ແທນໄດ້ຕັດແຖບຜ້າເປີດສະຫຼອງກິດຈະກຳສູນອາວະກາດ ຫວຽດນາມ. ນີ້ແມ່ນພື້ນຖານໂຄງລ່າງທີ່ທັນສະໄໝ, ມີຂອບຂະໜາດ ແລະ ລະດັບເຕັກໂນໂລຢີນອນໃນກຸ່ມກ້າວໜ້າໃນພາກພື້ນອາຊີຕາເວັນອອກສ່ຽງໃຕ້, ໄດ້ຜັນຂະຫຍາຍດ້ວຍແຫຼ່ງທຶນຊ່ວຍເຫຼືອຫຼ້າ (ODA) ຂອງລັດຖະບານ ຍີ່ປຸ່ນ ລວມມູນຄ່າລົງທຶນກວ່າ 7.000 ຕື້ດົ່ງ (280 ລ້ານ USD).