ຕາມສຳນັກຂ່າວສານ ສູນກາງ ສປປ.ເກົາລີ (KCNA) ແລ້ວ, ທ່ານນາງ Kim Yo Jong ຮອງຫົວໜ້າຄະນະໂຄສະນາສຶກສາສູນກາງພັກແຮງງານ ສປປ.ເກົາຫຼີ ແລະ ແມ່ນນ້ອງສາວຂອງການນຳ Kim Jong Un ໃຫ້ຮູ້ວ່າ ປະເທດນີ້ໄດ້ດຳເນີນການຝຶກຊຊ້ອມໃຊ້ອາວຸດຍຸດທະສາດ ໂດຍຍິ່ງອອກສູ່ເຂດທະເລທາງທິດຕາເວັນອອກ ໃນຕອນເຊົ້າວັນທີ 3 ຕຸລາ. ໃນຂອບເຂດການຝືກຊ້ອມໄດ້ນຳໃຊ້ລູກສອນໄຟຍຸດທະສາດລະດັບກາງ. ການນຳ Kim Jong Un ໄດ້ຕິດຕາມກວດຝືກຊ້ອມນີ້.ກ່ອນໜ້ານັ້ນໃນວັນທີ 3 ຕຸລາ, ສະພາເສນາທິການໃຫຍ່ ທະຫານປະສົມ ສ.ເກົາຫຼີ (JCS) ໃຫ້ຮູ້ວ່າ ສປປ.ເກົາຫຼີໄດ້ຍິງລູກສອນໄຟນຳວິຖີຢ່າງໜ້ອຍສຸດ 1 ລູກອອກສູ່ເຂດທະເລທາງທິດຕາເວັນອອກຈາກເຂດ Wonsan ຢູ່ຝັ່ງທະເລທາງທິດຕາເວັນອອກ ສປປ.ເກົາຫຼີ.
