ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 21 ກັນຍາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ເກືອບ 230 ລ້ານຄົນ, ໃນນັ້ນມີຜູ້ເສຍຊີວິດ 4,7 ລ້ານຄົນ. ໃນຮອບເວລາ 24 ຊົ່ວໂມງທີ່ຜ່ານມາ, ໂລກໄດ້ຢັ້ງຢືນມີຜູ້ຕິດເຊື້ອໃໝ່ ເກືອບ 384.000 ຄົນ, ໃນນັ້ນອາເມລິກາ ມີຜູ້ຕິດເຊື້ອພະຍາດໂຄວິດ - 19ໃໝ່ ກ່ວາ 74.000 ຄົນ, ຖັດຈາກນັ້ນ ແມ່ນ ອັງກິດ ແລະ ຕວັກກີ.
ນັບແຕ່ເວລາເກີດໂລກລະບາດໂຄວິດ - 19 ມາຮອດປັດຈຸບັນ, ອາເມລິກາ ແມ່ນປະເທດ ຖືກຜົນກະທົບຢ່າງໜັກໜ່ວງທີ່ສຸດ ຈາກໂລກລະບາດໂຄວິດ - 19 ດ້ວຍຈຳນວນຜູ້ຕິດເຊື້ອກ່ວາ 43 ລ້ານຄົນ, ໃນນັ້ນມີຜູ້ເສຍຊີວິດ ກ່ວາ 693.000 ຄົນ, ຖັດຈາກນັ້ນ ແມ່ນ ອິນເດຍ ແລະ ບຣາຊິນ.
(ແຫຼ່ງຄັດຈາກ VOV)
