ປະເທດຖືກຜົນກະທົບຢ່າງຮ້າຍແຮງທີ່ສຸດຈາກໂລກລະບາດໂຄວິດ - 19 ຍັງຄົງແມ່ນ ອາເມລິກາ ດ້ວຍຈຳນວນຜູ້ຕິດເຊື້ອພະຍາດໂຄວິດ - 19 ແມ່ນ 31,7 ລ້ານຄົນ ແລະ ມີ ຜູ້ເສຍຊີວິດ ກ່ວາ 573.600 ຄົນ. ຖັດຈາກນັ້ນ ແມ່ນ ບຣາຊິນ, ອິນເດຍ.
ສ່ວນຢູ່ ຫວຽດນາມ ຕາມກະຊວງສາທາລະນະສຸກ ແລ້ວ, ໄລ່ຮອດເວລາ 6 ໂມງຂອງວັນທີ 9 ເມສາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19ພາຍໃນປະເທດ ສະສົມທັງໝົດ 1.603 ຄົນ, ຈຳນວນຜູ້ຕິດເຊື້ອພະຍາດໂຄວິດ - 19 ນັບແຕ່ວັນທີ 27 ມັງກອນ ມາຮອດປັດຈຸບັນ ແມ່ນ 910 ຄົນ.
ນັບແຕ່ເວລາ 18 ໂມງຂອງວັນທີ 8 ເມສາ ຫາ 6 ໂມງຂອງວັນທີ 9 ເມສາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 1 ຄົນ, ໄດ້ຮັບການແຍກຕົວຢ່າງທັນການ ພາຍຫຼັງເຂົ້າເມືອງ ຢູ່ ແຂວງບັກນິງ. ປັດຈຸບັນ, ຫວຽດນາມ ມີຜູ້ໄດ້ຮັບການປິ່ນປົວຫາຍດີເປັນປົກກະຕິ 2429 ຄົນ ໃນຈຳນວນຜູ້ຕິດເຊື້ອພະຍາດໂຄວິດ - 19 2.669 ຄົນ.
ກ່ຽວກັບວຽກງານສັກວັກຊິນກັນໂຄວິດ - 19: ໃນວັນທີ 8 ເມສາ, ຫວຽດນາມ ມີຜູ້ໄດ້ຮັບການສັກວັກຊິນກັນໂຄວິດ - 19 ໃໝ່ຕື່ມອີກ 1.208 ຄົນ.
(ແຫຼ່ງຄັດຈາກ VOV)
