ສະພາບນ້ຳຖ້ວມທີ່ຮ້າຍແຮງໃນອາທິດຜ່ານມາຢູ່ເຂດທາງທິດຕາເວັນອອກຂອງປະເທດນີ້ (ພາບ: THX/TTXVN)
ຕາມຂໍ້ມູນທາງການເຊິ່ງເຈົ້າໜ້າທີ່ ແອັດສະປາຍ ປະກາດໃນວັນທີ 03 ພະຈິກ ແລ້ວ, ມີຜູ້ເສຍຊີວິດ 213 ຄົນຍ້ອນສະພາບນ້ຳຖ້ວມທີ່ຮ້າຍແຮງໃນອາທິດຜ່ານມາຢູ່ເຂດທາງທິດຕາເວັນອອກຂອງປະເທດນີ້. ເຖິງຢ່າງໃດກໍ່ຕາມ, ວົງການເຈົ້າໜ້າທີ່ກ່າວເຕືອນວ່າ, ຈຳນວນຜູ້ເສຍຊີວິດອາດສາມາດເພີ່ມຂຶ້ນ.
ແລະກໍ່ໃນວັນດຽວກັນ, ເຈົ້າຊີວິດ ແອັດສະປາຍ Felipe VI ແລະ ພະມະເຫສີ Letizia ໄດ້ສະເດັດລົງຢ້ຽມຢາມເຂດ Valencia. ເຈົ້າຊີວິດ ແລະ ພະມະເຫສີ, ພ້ອມກັບທ່ານນາຍົກລັດຖະມົນຕີ Pedro Sanchez, ກໍ່ໄດ້ໄປຢ້ຽມຢາມເຂດ Paiporta, ເຊິ່ງແມ່ນເທດສະບານທີ່ຖືກຜົນສະທ້ອນຢ່າງໜັກໜ່ວງທີ່ສຸດ. ວຽກງານຟື້ນຟູຄວາມເປັນລະບຽບຮຽບຮ້ອຍ ແລະ ແຈກຢາຍເຄື່ອງຊ່ວຍເຫຼືອໃຫ້ແກ່ບັນດາເທດສະບານ ແລະ ເຂດໝູ່ບ້ານຖືກເສຍຫາຍພວມແມ່ນບຸລິມະສິດແຖວໜ້າຂອງລັດຖະບານ ແອັດສະປາຍ.
