ຂ່າວສານ

ສະພາບການໂລກລະບາດໂຄວິດ - 19 ໃນໂລກ

11/05/2022

ຕາມ ເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງ 30 ນາທີຂອງວັນທີ 10 ພຶດສະພາ (ຕາມເວລາ UTC), ທົ່ວໂລກໄດ້ຢັ້ງຢືນມີຜູ້ຕິດເຊື້ອໂຄວິດ - 19 ກ່ວາ 517,6 ລ້ານຄົນ, ໃນນັ້ນມີຜູ້ເສຍຊີວິດກ່ວາ 6,277 ລ້ານຄົນ.

ພາບປະກອບ: THX/TTXVN

ໃນຮອບເວລາ 24 ຊົ່ວໂມງຜ່ານມາ, ໂລກໄດ້ຢັ້ງຢືນມີຜູ້ຕິດເຊື້ອໂຄວິດ - 19 ເກືອບ 324.000 ຄົນ ແລະ ມີຜູ້ເສຍຊີວິດເກືອບ 1000 ຄົນ. ອາເມລິກາ ຍັງແມ່ນປະເທດໄດ້ຮັບຜົນສະທ້ອນຢ່າງຮ້າຍແຮງທີ່ສຸດຈາກພະຍາດໂຄວິດ - 19 ດ້ວຍຈຳນວນຜູ້ຕິດເຊື້ອເກືອບ 83,7 ລ້ານຄົນ ແລະ ຜູ້ເສຍຊີວິດກ່ວາ 1 ລ້ານຄົນ.

ຍ້ອນປະສິດທິຜົນຈາກບັນດາລາຍການສັກວັກຊິນກັນໂຄວິດ - 19 ພ້ອມກັບວິທີການປິ່ນປົວ, ສະພາບການໂລກລະບາດໂຄວິດ - 19 ຢູ່ຫຼາຍປະເທດມີໄດ້ຮັບການຄວບຄຸມດີພໍສົມຄວນ, ຜ່ານນັ້ນ, ການເຄື່ອນໄຫວຢູ່ຫຼາຍປະເທດ ໄດ້ ແລະ ພວມໄດ້ຮັບການຟື້ນຟູ. ຢູ່ການາດາ, ໂຕໂຣນໂຕ, ນະຄອນໃຫຍ່ທີ່ສຸດຂອງປະເທດນີ້ ໄດ້ຍົກເລີກ ສະພາບການສຸກເສີນ ທີ່ໄດ້ຈັດວາງເພື່ອປ້ອງກັນ, ຕ້ານໂຄວິດ - 19.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.