ຕອນບ່າຍວັນທີ 22 ກຸມພາ, ທ່ານປະທານຄະນະກຳມການປະຊາຊົນນະຄອນ ຫາຍຟ່ອງ ຫງວຽນວັນຕຸ່ງ ໄດ້ຈັດກອງປະຊຸມກັບບັນດາທ້ອງຖິ່ນ, ຂະແໜງການທີ່ກ່ຽວຂ້ອງກ່ຽວກັບວຽກງານປ້ອງກັນ, ສະກັດກັ້ນໂລກລະບາດໂຄວິດ-19 ພາຍຫຼັງທີ່ ຫາຍຟ່ອງ ກວດພົບ 2 ກໍລະນີຕິດໂລກລະບາດໂຄວິດ-19 ໃນຊຸມຊົນ.
ວັນທີ 22 ກຸມພາ, ແຂວງ ກວາງນິງ ໄດ້ເປັນເອກະພາບນຳກັນວ່າ, ນັບແຕ່ວັນທີ 1 ມີນາ, ນັກຮຽນໃນບໍລິເວນແຂວງຈະໄປໂຮງຮຽນດ້ວຍການຄວບຄຸມໂລກລະບາດຢູ່ລະດັບໃໝ່, ສູງກວ່າ ແລະ ມອບໃຫ້ຂະແໜງສຶກສາກະກຽມແຜນການເພື່ອໃຫ້ນັກຮຽນໄປໂຮງຮຽນດ້ວຍຄວາມປອດໄພ.
ຕອນບ່າຍວັນດຽວກັນ, ທ່ານ ຮ່ວາງດຶກແຮ້ງ, ຮອງຫົວໜ້າພະແນກສາທາລະນະສຸກຮ່າໂນ້ຍ ໃຫ້ຮູ້ວ່າ, ໃນ 7 ມື້ຜ່ານມາ ຮ່າໂນ້ຍ ບໍ່ກວດພົບກໍລະນີຕິດໂລກລະບາດໃນຊຸມຊົນ.
ກ່ຽວກັບເລື່ອງສັກວັກຊິນ, ການແນະນຳກ່ຽວກັບເລື່ອງອະນຸມັດຜ່ານແຜນການຮັບ, ເກັບຮັກສາ ແລະ ນຳໃຊ້ວັກຊິນກັນພະຍາດໂຄວິດ-19 ໄລຍະ 2021 – 2022 ໂດຍ Covax Facility ໜູນຊ່ວຍ ທ່ານຮອງລັດຖະມົນຕີກະຊວງສາທາລະນະສຸກຫວຽດນາມ ໂດ້ຊວັນຕ໊ຽນ ໄດ້ເຊັນໃນວັນທີ 22 ກຸມພາ. ຕາມນັ້ນແລ້ວ, ມີ 11 ກຸ່ມເປົ້າໝາຍບຸລິມະສິດຈະໄດ້ຊັບຊ້ອນສັກວັກຊິນທຳອິດ, ລວມມີ: ພາລະກອນການແພດ; ພາລະກອນເຂົ້າຮ່ວມການປ້ອງກັນ, ສະກັດກັ້ນໂລກລະບາດ; ພາລະກອນການທູດ, ພາສີ, ພະນັກງານເຮັດວຽກງານເຂົ້າອອກເມືອງ; ກຳລັງທະຫານ ແລະ ຕຳຫຼວດ; ຄູອາຈານ; ຜູ້ອາຍຸສູງກວ່າ 65 ປີ…
ໄລ່ຮອດເວລາ 18 ໂມງຂອງວັນທີ 23 ກຸມພາ, ຫວຽດນາມໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 6 ຄົນ. ປະຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ-19 ທັງໝົດ 2.401 ຄົນ ແລະ ໄດ້ປິ່ນປົວຫາຍດີເປັນປົກກະຕິໃຫ້ 1.717 ຄົນ, ມີ 35 ຄົນເສຍຊີວິດ.
(ແຫຼ່ງຄັດຈາກ VOV)
