ໃນວັນທີ 17 ແລະ 18 ກຸມພາ, ຢູ່ສຳນັກງານ ສປຊ ທີ່ນະຄອນນິວຢອກ ປະເທດ ອາເມລິກາ ໄດ້ດຳເນີນກອງປະຊຸມລັດຖະສະພາ ປີ 2022 ຕາມຂໍ້ລິເລີ່ມລວມຂອງ ສປຊ ແລະ ສະຫະພັນລັດຖະສະພາໂລກ (IPU) ເພື່ອແນໃສ່ຊຸກຍູ້ຄວາມມານະພະຍາຍາມລວມໃນການຟື້ນຟູໂລກ ແບບຍືນຍົງຫຼັງໂຄວິດ - 19. ກອງປະຊຸມມີການເຂົ້າຮ່ວມຂອງ ສະມາຊິກລັດຖະສະພາເກືອບ 200 ທ່ານຈາກຫຼາຍປະເທດໃນໂລກ ແລະ ເປັນຄັ້ງທຳອິດທີ່ໄດ້ຈັດຂຶ້ນໂດຍກົງນັບແຕ່ເກີດໂລກລະບາດໂຄວິດ - 19ມາ.
ກ່າວຄຳເຫັນທີ່ກອງປະຊຸມ, ທ່ານ Abdulla Shahid ປະທານສະມັດຊາໃຫຍ່ ສປຊ ເນັ້ນໜັກວ່າ ເປົ້າໝາຍລວມຂອງ ສປຊ ແລະ IPU ແມ່ນຊຸກຍູ້ການຮ່ວມມືທົ່ວໂລກ ແລະ ລັດທິຫຼາຍຝ່າຍ ໃນນັ້ນບັນຫາລັດຖະສະພາຈະນຳເອົາມະຕິຂອງ ສປຊ ເຂົ້າໃນລະບົບກົດໝາຍຂອງແຕ່ລະປະເທດ, ພ້ອມທັງກໍ່ແມ່ນອົງການຖ່າຍທອດບັນດາບັນຫາໃຫຍ່ຂອງຊາດໄປຍັງ ສປຊ ແລະ ປະຊາຄົມສາກົນ. ທ່ານ Abdulla Shahid ຍັງໃຫ້ຮູ້ວ່າ ໂລກຄວນມີການຊີ້ນຳນຳພາ ແລະ ການຮ່ວມມືເພື່ອປະຕິບັດໂຄງການວັກຊິນຢ່າງສະເໝີພາບ, ຟື້ນຟູແບບຍືນຍົງ ແລະ ຫັນໂຄງການດຳເນີນງານການພັດທະນາຮອດປີ 2030 ພ້ອມກັບຫຼາຍບັນຫາອື່ນໆໃຫ້ປະກົດຜົນເປັນຈິງ.
