ຂ່າວສານ

ລາວຕີລາຄາສູງວຽກງານກະກຽມການຈັດຕັ້ງຂອງຫວຽດນາມ

07/03/2019

ວັນທີ 05 ມີນາ, ບັນດາໜັງສືພິມໃຫຍ່ຂອງລາວ ຄື: ປະຊາຊົນ, ປະເທດລາວ, ເສດຖະກິດ - ສັງຄົມ ໄດ້ລົງພິມຖະແຫຼງການຂອງໂຄສົກກະຊວງການຕ່າງປະເທດລາວ ກ່ຽວກັບໝາກຜົນກອງປະຊຸມສຸດຍອດຄັ້ງທີ 2 ລະຫວ່າງອາເມລິກາ - ສປປ.ເກົາຫຼີ ເຊິ່ງຫາກໍ່ດຳເນີນຢູ່ຮ່າໂນ້ຍ, ປະເທດຫວຽດນາມ.

ການນຳອາເມລິກາ - ສປປ.ເກົາຫຼີ
(ພາບປະກອບ: AFP/TTXVN)

ຖະແຫຼງການໃຫ້ຮູ້ວ່າ, ລາວ ຕີລາຄາສູງການພົບປະສຸດຍອດຄັ້ງທີ 2 ຢູ່ຮ່າໂນ້ຍ, ປະເທດຫວຽດນາມ ໃນລະຫວ່າງວັນທີ 27 – 28 ມີນາ ຜ່ານມາ, ພ້ອມທັງຊົມເຊີຍວຽກງານກະກຽມເປັນຢ່າງດີຂອງລັດຖະບານ ແລະ ປະຊາຊົນຫວຽດນາມ, ປະກອບສ່ວນສຳຄັນເຂົ້າໃນບັນດາຄວາມມານະພະຍາຍາມສ້າງສັນຕິພາບຢູ່ພາກພື້ນ ແລະ ໃນໂລກ. ຖະແຫຼງການໄດ້ເນັ້ນໜັກເຖິງການພົບປະຜ່ານມາຢູ່ຮ່າໂນ້ຍ ເຊິ່ງໄດ້ສ້າງຄວາມໄວ້ເນື້ອເຊື່ອໃຈ ແລະ ຄວາມເຂົ້າອົກເຂົ້າໃຈລະຫວ່າງການນຳ 2 ປະເທດອາເມລິກາ ແລະ ສປປ.ເກົາຫຼີ, ນີ້ຈະແມ່ນພື້ນຖານສຳຄັນໃຫ້ແກ່ການເຈລະຈາ ສ້າງການພົວພັນແບບໃໝ່ລະຫວ່າງ 2 ປະເທດ, ກໍ່ຄືສ້າງແຫຼມເກົາຫຼີ ໃຫ້ກາຍເປັນເຂດປອດອາວຸດນິວເຄຼຍໃນອະນາຄົດ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.