ຂ່າວສານ

ມາເລເຊຍ ຫ້າມກ່ຳປັ່ນທັງໝົດທີ່ມາຈາກຈີນ ເຂົ້າທຽບທ່າກ່ຳປັ່ນ

18/02/2020

ທີ່ກອງປະຊຸມຖະແຫຼງຂ່າວໃນວັນທີ 16 ກຸມພາ, ທ່ານນາງ Wan Azizah Wan Ismail ຮອງນາຍົກລັດຖະມົນຕີ ມາເລເຊຍ ຢັ້ງຢືນວ່າ ກ່ຳປັ່ນທັງໝົດທີ່ເລີ່ມອອກເດີນທາງ ແລະ ໄປຜ່ານ ບໍ່ວ່າ ທ່າກ່ຳປັ່ນໃດຂອງ ຈີນແມ່ນ ລ້ວນແຕ່ບໍ່ໃຫ້ເຂົ້າທຽບທ່າກ່ຳປັ່ນຂອງ ມາເລເຊຍ.

ກ່ຳປັ່ນ MS Westerdam ເຂົ້າທຽບທ່າກ່ຳປັ່ນກຳປູເຈຍ (ພາບ: TTXVN)

ຕາມທ່ານນາງ Wan Azizah Wan Ismail ແລ້ວ, ນີ້ແມ່ນມາດຕະການຊົ່ວຄາວເພື່ອແນໃສ່ສະກັດກັ້ນການແຜ່ລະບາດຂອງ ໂລກລະບາດອັກເສບປອດ COVID-19 ກໍ່ຄ້າຍຄືກັນກັບກໍລະນີຂອງ ຊາວອາເມລິກາ ອາຍຸ 83 ປີ ທີ່ຕິດ COVID-19 ໃນກ່ຳປັ່ນ MS Westerdam ກ່ອນໜ້ານັ້ນ.

ທ່ານນາງ Wan Azizah Wan Ismail ຢັັ້ງຢືນວ່າ ລັດຖະບານ ມາເລເຊຍ ໄດ້ກຳແໜ້ນຂໍ້ມູນຂ່າວສານຂອງ ຜູ້ຕິດເຊື້ອດັ່ງກ່າວຊຶ່ງເປັນໜຶ່ງໃນຈຳນວນຜູ້ໂດຍ 1.455 ຄົນ ໃນກ່ຳປັ່ນ MS Westerdam, ແລະ ກ່ຳປັ່ນດັ່ງກ່າວໄດ້ເຂົ້າທຽບທ່າກ່ຳປັ່ນ ຮົ່ງກົງ (ປະເທດຈີນ). ຕາມທ່ານນາງແລ້ວ, ບັນດາຜູ້ໂດຍສານໃນກ່ຳປັ່ນດັ່ງກ່າວ ອາດຈະຕິດເຊື້ອ COVID-19 ຍ້ອນມີການສຳຜັດກັບຊາວຮົ່ງກົງ. ມາເລເຊຍຈະບໍ່ອະນຸຍາດໃຫ້ຈຳນວນແຂກທີ່ຍັງເຫຼືອຢູ່ກ່ຳປັ່ນ MS Westerdam, ເຊິ່ງປັດຈູບັນພວມຢູ່ກຳປຸເຈຍ ໄດ້ເຂົ້າເມືອງ ຂອງປະເທດນີ້.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.