(ພາບປະກອບ: VNA)  

ເປີດກວ້າງ​ຂອບ​ເຂດ​ຊອ​ກ​ຫາ​ຢູ່​ເຂດ​ແຜ່ນ​ສີ​ລາ​ຈາ​ລຶກ​ນັກ​ວິ​ລະ​ຊົນ​ເສຍ​ສະ​ຫຼະ​ຊີ​ວິດ​ເພື່​ອ​ຊາດ ເລ​ທິ​ຣຽງ (ສວນ​ສາ​ທາ​ລະ​ນະ ເລ​ທິ​ຣຽງ, ນະ​ຄອນ ໂຮ່​ຈີ​ມິນ), ຕອນ​ເຊົ້າ​ວັນ​ທີ 16 ສິງ​ຫາ, ກຳ​ລັງ​ທີ່​ມີ​ໜ້າ​ທີ່​ໄດ້​ພົບເຫັນ​ອັດ​ຖິ​ນັກ​ຮົບ​ເສຍ​ສະ​ຫຼະ​ຊີ​ວິດ​ເພື່ອ​ຊາດກວ່າ 30 ອັດ​ຖິ. ນີ້​ແມ່ນ​ຈຳ​ນວນ​ອັດ​ຖິທີ່​ໄດ້​ພົບເຫັນ​ຫຼາຍ​ທີ່​ສຸດ​ນັບ​ແຕ່​ເມື່ອ​ເລີ່ມ​ປະຕິບັດການສຳ​ຫຼວດ​ເພື່ອ​ຊອກ​ຫາ​ອັດ​ຖິ​ນັກ​ຮົບ​ເສຍ​ສະ​ຫຼະ​ຊີ​ວິດ​ເພື່ອ​ຊາດ. ກຳ​ລັງ​ຊອກ​ຫາກໍ່​ພົບ​ເຫັນມີ​ວັດ​ຖຸພັນ​ຕິດມາ​ພ​້ອມ​ຫຼາຍ​ຢ່າງ.

ສະ​ນັ້ນ, ພາຍ​ຫຼັງ​ການ​ຊອກ​ຫາ, ທ້ອນ​ໂຮມ​ອັດ​ຖິ​ຢູ່​ສວນ​ສາ​ທາ​ລະ​ນະ​ ເລ​ທິ​ຣຽງ ເປັນ​ເວ​ລາ​ເກືອບ 2 ເດືອນ, ກຳ​ລັງ​ທີ່​ມີ​ໜ້າ​ທີ​່​ໄດ້​ຊອກ​ເຫັນ​ອັດ​ຖິ​ນັກ​ຮົບ​ເສຍ​ສະ​ຫຼະ​ຊີ​ວິດ​ເກືອບ 400 ອັດ​ຖິ, ບັນ​ລຸ​ເກືອບ​ເຄິ່​ງ​ໜຶ່ງ​ເມື່ອ​ທຽບ​ໃສ່​ບົດ​ລາຍ​ງານ​ການຄົ້ນຄວ້າຂອງ​ບັນ​ດາ​ນັກ​ຊ່​ຽວ​ຊານ​ກ່ຽວ​ກັບ​ຈຳ​ນວນ​ນັກ​ຮົບ​ເສຍ​ສະ​ຫຼະ​ຊີ​ວິດ​ເພື່ອ​ຊາດ​ທີ່​ໄດ້​ຝັງ​ສົບ​ຢູ່​ເຂດນີ້.

ມາ​ຮອດ​ປະ​ຈຸ​ບັນ, “ບັ້ນ​ເຄື່ອນ​ໄຫວ 500 ວັນ ແລະ ຄືນ ຍູ້​ແຮງ​ການ​ປະ​ຕິ​ບັດ​ການ​ຊອກ​ຫາ, ທ້ອນ​ໂຮມ ແລະ ຢັ້ງ​ຢືນ​ຊື່ ແລະ ນາມ​ສະ​ກຸນ​ອັດ​ຖິ​ນັກ​ຮົບ​ເສຍ​ສະ​ຫຼ​ະ​ຊີ​ວິດ​ເພ​ື່ອ​ຊາດ” ໄດ້​ດຳເນີນ 137 ວັນເຕັມ. ​ບັນ​ດາ​ກຳ​ລັງ​ຊອກ​ຫາ ແລະ ທ້ອນ​ໂຮມ​ໄດ້ຊອກ​ເຫັນອັດ​ຖິ​ນັກ​ຮົບ​ເສຍ​ສະ​ຫຼ​ະ​ຊີ​ວິດ​ເພ​ື່ອ​ຊາດກວ່າ 1.700 ອັດ​ຖິໃນຂອບ​ເຂດ​ທົ່ວ​ປະ​ເທດ.