ຂ່າວສານ

ພິທີໄຫວ້ອາໄລເຈົ້າຊີວິດຮຸ່ງ 2019 ໄດ້ດຳເນີນໄປຢ່າງສົມກຽດ

15/04/2019

ຕອນເຊົ້າວັນທີ 14 ເມສາ (ກົງກັບວັນທີ 10 ເດືອນ 3 ໄລ່ຕາມຈັນທະປະຕິທິນ), ທີ່ຫໍ ກີ໋ງທຽນ ຢູ່ຍອດພູ ເຫງຍຫລີງ ຂຶ້ນກັບເຂດປູຊະນີຍະສະຖານປະຫວັດສາດພິເສດແຫ່ງຊາດວິຫານຮຸ່ງ, ໄດ້ດຳເນີນພິທີຖະຫວາຍທູບທຽນ ອາໄລຫາບັນດາເຈົ້າຊີວິດຮຸ່ງ, ສະແດງຄວາມຮູ້ບຸນຄຸນຕໍ່ບັນພະບູລຸດຜູ້ທີ່ມີຄຸນງາມຄວາມດີໃນການສ້າງສາປະເທດຊາດ.

ພິທີໄຫວ້ອາໄລເຈົ້າຊີວິດຮຸ່ງ 2019 ໄດ້ດຳເນີນໄປຢ່າງສົມກຽດໃນທົ່ວປະເທດ (ພາບ: nld.vn

ເຂົ້າຮ່ວມພິທີຖະຫວາຍທູບທຽນມີທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ພ້ອມດ້ວຍການນຳບັນດາຄະນະ, ກະຊວງ, ຂະແໜງການສູນກາງ, ການນຳບາງແຂວງ, ນະຄອນທ້ອງຖິ່ນ ແລະ ປະຊາຊົນຢູ່ພາຍໃນປະເທດ ແລະ ຊາວ ຫວຽດນາມ ອາໄສຢູ່ຕ່າງປະເທດເປັນຈຳນວນຫລວງຫລາຍ.

ພາຍຫລັງພິທີຖະຫວາຍທູບທຽນຢູ່ວິຫານເທື້ອງ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ບັນດາຜູ້ແທນໄດ້ວາງພວງມາລາ ແລະ ຈູດທູບຢູ່ສຸສານເຈົ້າຊີວິດຮຸ່ງ.

(ແຫຼ່ງຄັດຈາກ VOV)

ເລຂາທິການໃຫຍ່ ໂຕເລິມ: ອົງຄະນະພັກລັດຖະບານຕ້ອງເປັນແບບຢ່າງກ່ຽວກັບຄຸນນະທາດການເມືອງ, ພູມປັນຍາ, ການປ່ນແປງໃໝ່

14/10/2025
ຂ່າວສານ

ສືບຕໍ່ກໍ່ສ້າງອົງຄະນະພັກ ແລະ ອົງຄະນະພັກທຸກຂັ້ນໃຫ້ປອດໄສ, ໝັ້ນຄົງເຂັ້ມແຂງ, ເດັດດ່ຽວປ້ອງກັນ, ຕ້ານການສໍ້ຫຼາດບັງຫຼວງ, ຄວາມຟຸ່ມເຟືອຍ ໄພຫຍໍ້ທໍ້ ດ້ວຍທິດນຳ “ບໍ່ມີເຂດມືດ” “ບໍ່ມີບ່ອນຫວ່າງ, ຈຸດມົວ” ບໍ່ມີເຂດຫ້າມ, ບໍ່ມີກໍລະນີຍົກເວັ້ນ.