ຕອນເຊົ້າວັນທີ 10 ເມສາ, ທີ່ຫໍທໍາພິທີສົບແຫ່ງຊາດ ເລກທີ 5 ຖະໜົນເຈິ່ນແທ໊ງຕົງ, ນະຄອນຮ່າໂນ້ຍ, ຂອງຫວຽດນາມ. ຄະນະບໍລິຫານງານສູນກາງພັກ, ສະພາແຫ່ງຊາດ, ປະທານປະເທດ, ລັດຖະບານ, ຄະນະກໍາມະການສູນກາງແນວໂຮມປະເທດຊາດຫວຽດນາມ ພ້ອມດ້ວຍຄອບຄົວ ທ່ານພົນຕີ ດົ່ງສີ໊ງວຽນ ໄດ້ຈັດຕັ້ງພິທີໄວ້ອາໄລລະດັບຊາດ ທ່ານພົນຕີ ດົ່ງສີ໊ງວຽນ, ອະດີດກໍາມະການກົມການເມືອງ, ອະດີດຮອງປະທານສະພາລັດຖະມົນຕີ (ປັດຈຸບັນແມ່ນຮອງນາຍົກລັດຖະມົນຕີ), ອະດີດຜູ້ບັນຊາການທະຫານ ເຈື່ອງເຊີນ ຢ່າງສົມກຽດ.
ຄະນະຜູ້ແທນຄະນະບໍລິຫານງານສູນກາງພັກກອມມູນິດຫວຽດນາມ ໂດຍທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ເປັນຫົວໜ້າຄະນະໄດ້ເຂົ້າໄວ້ອາໄລທ່ານພົນຕີ ດົ່ງສີ໊ງວຽນ ແລະ ແບ່ງເບົາຄວາມເສົ້າສະຫຼົດໃຈກັບຄອບຄົວ
ເປີດສາກພິທີໄວ້ອາໄລ, ຄະນະຜູ້ແທນຄະນະບໍລິຫານງານສູນກາງພັກກອມມູນິດຫວຽດນາມ ໂດຍທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ເປັນຫົວໜ້າຄະນະໄດ້ເຂົ້າໄວ້ອາໄລທ່ານພົນຕີ ດົ່ງສີ໊ງວຽນ ແລະ ແບ່ງເບົາຄວາມເສົ້າສະຫຼົດໃຈກັບຄອບຄົວ.
ຄະນະຜູ້ແທນລັດຖະບານ ໂດຍທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ເປັນຫົວໜ້າຄະນະ ເຂົ້າໄວ້ອາໄລ. ຄະນະຜູ້ແທນສະພາແຫ່ງຊາດຫວຽດນາມ ໂດຍທ່ານນາງ ຫງວຽນທິກິມເງິນ ກໍາມະການກົມການເມືອງ, ປະທານສະພາແຫ່ງຊາດຫວຽດນາມ ເປັນຫົວໜ້າຄະນະເຂົ້າໄວ້ອາໄລ. ນອກຈາກນັ້ນ, ຍັງມີຄະນະກໍາມະການສູນກາງແນວໂຮມປະເທດຊາດຫວຽດນາມ ແລະ ອະດີີດການນໍາພັກ, ລັດ, ບັນດາສະຫາຍ ນັກປະຕິວັດຜູ້ອາວຸດໂສ... ກໍໄດ້ເຂົ້າຮ່ວມພິທີດ່ັງກ່າວ.
ພິທີປົງສົບທ່ານພົນຕີ ດົ່ງສີ໊ງວຽນ ຈະດໍາເນີນໃນເວລາ 17 ໂມງຂອງວັນດຽວກັນ, ຢູ່ປ່າຊ້າ ຫວິ໊ງຮັ່ງ, ເມືອງບາວີ່, ນະຄອນຮ່າໂນ້ຍ./.
(ແຫຼ່ງຄັດຈາກ VOV)
