ຂ່າວສານ

ພິທີເຄົາລົບທຸງຕົ້ນປີໃມ່2017ຢູ່ເຂດກ້ຳຕາເວັນອອກໃນເຂດດິນຕໍ່ແຜ່ນຂອງປະເທດຊາດ

03/01/2017

ພິທີເຄົາລົບທຸງຕົ້ນປີໃມ່ 2017
(ພາບ: congan.com.vn)

ວັນທີ 01/01, ແຂວງ ຟຸ໋ອຽນ ໄດ້ຈັດພິທີເຄົາລົບທຸງຍາມຕົ້ນປີໃໝ່ 2017 ແລະ ຕ້ອນຮັບນັກທ່ອງທ່ຽວຜູ້ທຳອິດມາຢ້ຽມຢາມ ມຸຍດ້ຽນ (ຫຼືເອີ້ິ້ນວ່າ ມຸຍດ້າຍແລ້ງ), ເປັນເຂດກ້ຳຕາເວັນອອກ ໃນເຂດດິນຕໍ່ແຜ່ນຂອງຫວຽດນາມ. ການເຄື່ອນໄຫວເຄົາລົບທຸງຍາມຕົ້ນປີໃໝ່ 2017 ເຊິ່ງແຂວງ ຟຸ໋ອຽນ ຈັດຕັ້ງແມ່ນເພື່ອແນໃສ່ສຶກສາຄວາມຮັກຊາດ, ຈິດໃຈເອກອ້າງທະນົງໃຈເອກະລາດຊົນຊາດ; ພ້ອມທັງເປັນຂີດໝາຍເລີ່ມຕົ້ນອັນດີງາມຂອງບັນດາການເຄື່ອນໄຫວຊົມເຊີຍພັກ, ຊົນເຊີຍລະດູບານໃໝ່ເຕັມໄປດ້ວຍຄວາມເບີກບານມ່ວນຊື່ນຢູ່ຟຸ໋ອຽນ. ພ້ອມກັບພິທີເຄົາລົບທຸງ, ຟຸ໋ອຽນ ຍັງຈັດພິທີຕ້ອນຮັບບັນດານັກທ່ອງທ່ຽວຜູ້ທຳອິດມາຢ້ຽມຢາມເຂດປູ່ຊະນີຍະສະຖານ ບ້າຍມົນ - ມຸຍດ້ຽນ ທີ່ມີຊື່ສຽງອີກດ້ວຍ.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.