ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ກ່າວຄໍາເຫັນທີ່ການພົບປະ
ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ຢັ້ງຢືນວ່າ ພັກ, ລັດ ແລະ ປະຊາຊົນຫວຽດນາມ ຍາມໃດກໍຈົດຈໍາ ແລະ ສະແດງຄວາມຮູ້ບຸນຄຸນຕໍ່ຄຸນງາມຄວາມດີ, ການເສຍສະຫຼະ, ການອຸທິດສ່ວນອັນໃຫຍ່ຫຼວງ ຂອງນັກຮົບເກົ່າຫວຽດນາມລຸ້ນຕ່າງໆ ໃນສົງຄາມຕໍ່ຕ້ານຕ້ານສັດຕູຜູ້ຮຸກຮານຄັ້ງຕ່າງໆ, ໃນການປະຕິບັດໜ້າທີ່ສາກົນ ແລະ ເຂົ້າຮ່ວມການພັດທະນາເສດຖະກິດ-ສັງຄົມຂອງປະເທດຊາດ. ພັກ, ລັດ ຍາມໃດກໍເອົາໃຈໃສ່, ເບິ່ງແຍງດູແລ, ປະຕິບັດວຽກງານຮັບປະກັນສິດແລະຜົນປະໂຫຍດຂອງຜູ້ມີຄຸນງາມຄວາມດີຕໍ່ການປະຕິວັດເປັນຢ່າງດີ, ໃນນັ້ນ ມີການປະຕິບັດນະໂຍບາຍສໍາລັບນັກຮົບເກົ່າ ກໍຄື ການເຄື່ອນໄຫວຂອງບັນດາສະຫະສະມາຄົມ, ອົງການຈັດຕັ້ງຂຶ້ນກັບສະມາຄົມນັກຮົບເກົ່າຫວຽດນາມ. ບັນດາແຜນນະໂຍບາຍ, ນະໂຍບາຍບຸລິມະສິດສໍາລັບຜູ້ມີຄຸນງາມຄວາມດີ ກໍໄດ້ຮັບການປະກາດໃຊ້.
(ແຫຼ່ງຄັດຈາກ VOV)
