ຂ່າວສານ

ຜູ້ອຳນວຍການໂຄງການ Better Work: ຫວຽດນາມແມ່ນແບບຢ່າງທີ່ດີກ່ຽວກັບການຮັບປະກັນສິດຜົນປະໂຫຍດຂອງຜູ້ອອກແຮງງານ

06/12/2024

ວັນທີ 4 ທັນວາ, ຢູ່ຮ່າໂນ້ຍ, ທ່ານຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ເລວັນແທັງ ໄດ້ເຮັດວຽກກັບ ທ່ານນາງ Roopa Nair ຜູ້ອຳນວຍການໂຄງການ Better Work ທົ່ວໂລກ.

ທ່ານຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ເລວັນແທັງ ເຮັດວຽກກັບ ທ່ານນາງ Roopa Nair ຜູ້ອຳນວຍການໂຄງການ Better Work ທົ່ວໂລກ (ພາບ: ກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ )

ທີ່ການເຮັດວຽກ, ທ່ານຮອງນາຍົກລັດຖະມົນຕີ ເລວັນແທັງ ໄດ້ຕີລາຄາສູງ ການໜູນຊ່ວຍຢ່າງມີປະສິດທິຜົນຂອງໂຄງການ Better Work ເຊິ່ງປະກອບສ່ວນສ້າງບັນດາແບບຢ່າງທີ່ດີກ່ຽວກັບການປະຕິບັດຕາມມາດຕະຖານແຮງງານສາກົນ ແລະ ປະຕິບັດກົດໝາຍ. ໃນໄລຍະຈະມາເຖິງ, ທ່ານຮອງລັດຖະມົນຕີປາດຖະໜາຢາກ ໃຫ້ໂຄງການ Better Work ໜູນຊ່ວຍປັບປຸງຄວາມຮັບຮູ້ຂອງຜູ້ອອກແຮງງານ ກ່ຽວກັບບັນດາມາດຕະຖານລວມ, ມຸ່ງໄປເຖິງການຮັບປະກັນບັນດາມາດຕະຖານຂອງ ສາກົນກ່ຽວກັບຜູ້ອອກແຮງງານ. ນອກຈາກນັ້ນ, ໂຄງການຈະໜູນຊ່ວຍຫວຽດນາມ ໃນບັນດາຂົງເຂດອື່ນໆຄື:ເສດຖະກິດສີຂຽວ, ເສດຖະກິດໝູນວຽນ, ເສດຖະກິດເພື່ອມີການປ່ຽນແປງ ແລະ ພັດທະນາຢ່າງຕັ້ງໜ້າກ່ວາອີກ. ທ່ານນາງ Roopa Nair ຜູ້ອຳນວຍການໂຄງການ Better Work ທົ່ວໂລກຖືວ່າ ຫວຽດນາມ ຍາມໃດກໍ່ແມ່ນຮູບແບບທີ່ດີພໍ ສຳລັບບັນດາປະເທດອື່ນໆອາດສາມາດຮ່ຳຮຽນ, ແບ່ງປັນຄວາມຮູ້ກ່ຽວກັບການຮັບປະກັນສິດຜົນປະໂຫຍດຂອງຜູ້ອອກແຮງງານ, ເພີ່ມທະວີຜົນປະໂຫຍດຂອງຜູ້ນຳໃຊ້ແຮງງານ.

(ແຫຼ່ງຄັດຈາກ VOV)

UNESCO ພິຈາລະນາຮັບຮອງເອົາພາບພື້ນເມືອງ ດົງໂຮ່ແມ່ນມໍລະດົກໂລກ

09/12/2025
ຂ່າວສານ

ຕາມສົນທິສັນຍາປົກປ້ອງມໍລະດົກວັດທະນະທຳບໍ່ເປັນວັດຖຸ ປີ 2003 ແລ້ວ, UNESCO ຈະຈັກແບ່ງເປັນ 3 ບັນຊີລາຍ, ສື່ສາກົນ ເພື່ອແນໃສ່ຍົກໃຫ້ເຫັນຢ່າງຈະແຈ້ງ ແລະ ຊຸກຍູ້ຄວາມເປັນຫຼາຍຮູບຫຼາຍແບບຂອງມໍລະດົກທີ່ມີຊີວິດໃນທົ່ວໂລກ.