ທ່ານນາຍົກລັດຖະມົນຕີ ຫງວຽນຊວັນຟຸກ
ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນຊວັນຟຸກ ຊີ້ແຈ້ງວ່າ ກົມການເມືອງສູນກາງພັກ ມີມະຕິເລກທີ 45 ກ່ຽວກັບການພັດທະນານະຄອນ ຫາຍຟ່ອງ. ຕາມນັ້ນແລ້ວ, ໃນອະນາຄົດ ຫາຍຟ່ອງ ຕ້ອງແມ່ນນະຄອນທັດທຽມພ້ອມກັບບັນດານະຄອນໃນພາກພື້ນ ອາຊີ ແລະ ຮອດປີ 2025 ຕ້ອງແມ່ນນະຄອນມີທີ່ຕັ້ງສຳຄັນຢູ່ພາກພື້ນອາຊີຕາເວັນອອກສ່ຽງໃຕ້. ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວວ່າ:
“ນະຄອນບັນລຸໄດ້ການເຕີບໂຕດ້ວຍລະດັບສູງສຸດຢູ່ພາຍໃນປະເທດ, ພັດທະນາພື້ນຖານໂຄງລ່າງຢ່າງແຮງທີ່ສຸດ. ເສດຖະກິດ ຫາຍຟ່ອງ ຕ້ອງມີການພັດທະນາບຸກທະລຸ, ຮອບດ້ານ. ການເກັບງົບປະມານສູງສຸດນັບແຕ່ກ່ອນມາຮອດປະຈຸບັນ. ຫາຍຟ່ອງ ຍັງພັດທະນາຫລາຍດ້ານ ກ່ຽວກັບການຊ່ວຍໜູນຊີວິດສັງຄົມ, ຊີວິດການເປັນຢູ່ຂອງປະຊາຊົນ, ເອົາໃຈໃສ່ເຖິງເປົ້າໝາຍຊ່ວຍໜູນຊີວິດສັງຄົມ, ຄົນທຸກຍາກ...ອາດເວົ້າໄດ້ວ່າ, ຮູບພາບການພັດທະນາຂອງ ຫາຍຟ່ອງ ແມ່ນຮູບພາບປະສົບຜົນສຳເລັດ ໃນອາຍຸການທີ່ເຕັມໄປດ້ວຍຄວາມຫຍຸ້ງຍາກຂອງປະເທດຊາດ ແລະ ນະຄອນ. ນັ້ນແມ່ນການສູ້ຊົນຢ່າງແຮງຂອງປະຊາຊົນນະຄອນ ພາຍໃຕ້ການນຳພາຂອງພັກ. ”ກ່ຽວກັບໜ້າທີ່ປ້ອງກັນ, ຕ້ານໂລກລະບາດໂຄວິດ-19 ພ້ອມກັບການພັດທະນາເສດຖະກິດ, ທ່ານນາຍົກລັດຖະມົນຕີ ຫງວຽນຊວັນຟຸກ ຢືນຢັນວ່າ ເລື່ອງປະຕິບັດເປົ້າໝາຍຄວບຄູ່ບັນລຸໄດ້ໝາກຜົນຕັ້ງໜ້າ, ວົງເງິນສົ່ງອອກ-ນຳເຂົ້າ 2 ສົ້ນຂອງ ຫວຽດນາມ ເພີ່ມຂຶ້ນ ແລະ ເປັນຄັ້ງທຳອິດ ຫວຽດນາມ ສົ່ງອອກເກີນດຸນກ່ວາ 17 ຕື້ USD. ລັດຖະບານກໍ່ມີຂັ້ນຕອນເປີດປະຕູຢ່າງແໜ້ນແຟ້ນ, ບໍ່ປະໃຫ້ໂລກລະບາດໂຄວິດ-19 ແຜ່ລະບາດຈາກພາຍນອກເຂົ້າ ຫວຽດນາມ.
ກ່ຽວກັບບັນຫາປົກປັກຮັກສາອະທິປະໄຕທະເລ, ໝູ່ເກາະຂອງປະເທດຊາດ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ແຈ້ງວ່າ ຫວຽດນາມ ຈະສ້າງທະເລຕາເວັນອອກແຫ່ງສັນຕິພາບ, ມີຄວາມເສລີໃນການເດີນເຮືອ, ການບິນ, ປະຕິບັດກົດໝາຍສາກົນເປັນຢ່າງດີ, ພເສດແມ່ນປະຕິບັດຕາມເນື້ອໃນຈິດໃຈສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ໃຫ້ຖືກຕ້ອງ.
ແລະໃນຕອນບ່າຍວັນທີ 13 ຕຸລາ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເຂົ້າຮ່ວມພິທີເປີດສະຫຼອງເສັ້ນທາງເຂົ້າເຂດອະນຸລັກເສົາໄມ້ ກາວກຸຍ, ຕາແສງ ລຽນເຄ, ເມືອງ ຖຸຍງວຽນ, ຫາຍຟ່ອງ ແລະ ເຂົ້າຮ່ວມພິທີລົງມືກໍ່ສ້າງໂຄງການລົງທຶນຳກໍ່ສ້າງ ເກົ່ກຢາວ.
(ແຫຼ່ງຄັດຈາກ VOV)
