ຕອນຄ່ຳວັນທີ 19 ພະຈິກ, ທ່ານ Ilham Aliyev ປະທານາທິບໍດີ ສ.ອາເຊັກໄບຊານ ແລະ ພັນລະຍາ ໄດ້ເດີນທາງມາຮອດ ຮ່າໂນ້ຍ, ເລີ່ມຕົ້ນການຢ້ຽມຢາມ ຫວຽດນາມ ຢ່າງເປັນທາງການ, ແຕ່ວັນທີ 19 – 21 ພະຈິກ ຕາມຄຳເຊື້ອເຊີນຂອງ ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ແລະ ພັນລະຍາ. ນີ້ແມ່ນການຢ້ຽມຢາມ ຫວຽດນາມ ຢ່າງເປັນທາງການຄັ້ງທີ 2 ຂອງ ທ່ານປະທານາທິບໍດີ Ilham Aliyev ພາຍຫຼັງການຢ້ຽມຢາມຄັ້ງທຳອິດໃນປີ 2014. ການຢ້ຽມຢາມເພື່ອປະກອບສ່ວນນຳການພົວພັນຫວຽດນາມ - ສ.ອາເຊັກໄບຊານ ກ້າວເຂົ້າສູ່ໄລຍະພັດທະນາໃໝ່, ສົມກັບເປັນຂອບຂະໜາດຄູ່ຮ່ວມມືຍຸດທະສາດ.






