ເມື່ອເນັ້ນໜັກເຖິງຄວາມຈຳເປັນຂອງອາຊຽນເພື່ອເລັ່ງຟື້ນຟູເສດຖະກິດພາຍຫຼັງໂລກລະບາດທົ່ວໂລກ, ກອງປະຊຸມໄດ້ເລີ່ມດຳເນີນການເຈລະຈາເພື່ອຍົກລະດັບສັນຍາການຄ້າ ສິນຄ້າອາຊຽນ (ATIGA) ທີ່ບັນດາປະເທດສະມາຊິກໄດ້ປະຕິບັດມາແຕ່ປີ 2010.
ບັນດາລັດຖະມົນຕີຂອງພາກພື້ນໄດ້ເຫັນດີກັນເປັນເອກະພາບວ່າ, ໃນສະພາບການພາກພື້ນກຳລັງຢູ່ໃນຂັ້ນຕອນຟື້ນຟູພາຍຫຼັງໂລກລະບາດ ໂຄວິດ-19 ແລະ ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP), ການເລີ່ມເຈລະຈາເພື່ອຍົກລະດັບ ATIGA ແມ່ນສຳຄັນທີ່ສຸດ, ເພື່ອຮັບປະກັນກົນໄກ ອາຊຽນ ຍັງຄົງເໝາະສົມ, ທັນສະໄຫມ, ມຸ່ງໄປສູ່ອະນາຄົດ.
ກອງປະຊຸມຍັງໄດ້ຮັບຮອງເອົາ 19 ເນື້ອໃນບຸລິມະສິດດ້ານເສດຖະກິດຂອງປະເທດປະທານອາຊຽນ ກຳປູເຈຍ ໃນປີ 2022, ຕາມ 4 ແຮງຍູ້ດັນຍຸດທະສາດລວມມີ: ເພີ່ມທະວີການເຊື່ອມຕໍ່ດ້ານດິຈິຕອນ, ວິທະຍາສາດ ແລະ ເຕັກໂນໂລຊີ; ຫຼຸດຜ່ອນໄລຍະຫ່າງການພັດທະນາກ່ຽວກັບກຳລັງຄວາມສາມາດແກ່ງແຍງຂອງອາຊຽນ ແລະ ກໍ່ສ້າງອາຊຽນ ໃຫ້ຮອບດ້ານ, ຍືນຍົງ ແລະ ມີການແຂ່ງຂັນ, ເຕີບໂຕ ແລະ ພັດທະນາຂອງອາຊຽນເຊື່ອມໂຍງ.
