ທ່ານ ນາຍົກລັດຖະມົນຕີ ຫວຽດນາມ ຫງວຽນຊວັນຟຸກກ່າວຄຳເຫັນ ທີ່ກອງປະຊຸມ (ພາບ: Chinhphu.vn)

ຕາມແຈ້ງການສະຫຼຸບຂອງ ທ່ານ ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ທີ່ກອງປະຊຸມຄະນະປະຈຳລັດຖະບານກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19 ໃນວັນທີ 23 ມີນາ 2020, ທ່ານນາຍົກລັດຖະມົນຕີໄດ້ຮຽກຮ້ອງໃຫ້ລັດຖະມົນຕີກະຊວງຕຳຫຼວດ, ປະທານຄະນະກຳມະການປະຊາຊົນແຂວງ, ນະຄອນຂຶ້ນກັບສູນກາງຊີ້ນຳການປະຕິບັດ ແລະ ປະຕິບັດການສຳຫຼວດກວດກາທຸກໆກໍລະນີຊາວຕ່າງປະເທດ, ຊາວຫວຽດນາມຢູ່ຕ່າງປະເທດໄດ້ເຂົ້າເມືອງ ຫວຽດນາມ ນັບແຕ່ວັນທີ 8 ມີນາ 2020 ໃຫ້ສຳເລັດກ່ອນເວລາ 12 ໂມງ 00 ນາທີ ວັນທີ 25 ມີນາ 2020, ພ້ອມທັງຮຽກຮ້ອງໃຫ້ແຍກຕົວຢູ່ບ້ານ, ບ່ອນພັກເຊົ່າ, ປະຕິບັດການແຈ້ງອາການສຸຂະພາບ, ອັບເດັດສະພາບການສຸຂະພາບ, ກວດພົບບັນດາກໍລະນີຕິດເຊື້ອພະຍາດ Covid – 19 ຢ່າງທັນການ, ຫຼີກລ້ຽງການແຜ່ລະບາດອອກສູ່ວົງຄະນະຍາດ.

        ທ່ານນາຍົກລັດຖະມົນຕີກໍ່ຮຽກຮ້ອງໃຫ້ກະຊວງການຕ່າງປະເທດຊີ້ນຳບັນດາອົງການຕາງໜ້າຢູ່ບັນດາປະເທດສືບຕໍ່ປະຕິບັດວຽກງານມະຫາຊົນ ແລະ ປົກປ້ອງພົນລະເມືອງໃຫ້ເປັນຢ່າງດີ, ຂົນຂວາຍຊາວຫວຽດນາມອາໄສຢູ່ຕ່າງປະເທດບໍ່ກັບເມື່ອປະເທດເປັນຈຳນວນຫຼາຍຄືໄລຍະທີ່ຜ່ານມາ, ປະຕິບັດບັນດາມາດຕະການປ້ອງກັນພະຍາດໃຫ້ແກ່ຕົນເອງ ແລະ ຄອບຄົວ, ປະຕິບັດຢ່າງຖືກຕ້ອງຕາມການກຳນົດ ບໍ່ເດີນທາງໄປ - ມາ, ການປ້ອງກັນ, ສະກັດກັ້ນໂລກລະບາດຂອງປະເທດປະຈຳຖິ່ນ…

(ແຫຼ່ງຄັດຈາກ VOV)