ຂ່າວສານ
ນາຍົກລັດຖະມົນຕີເປັນປະທານກອງປະຊຸມສະຫຼຸບ 10 ປີແຫ່ງການປະຕິບັດແຜນຮ່າງຄ້ຳປະກັນດ້ານສະບຽງອາຫານແຫ່ງຊາດ”
(ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເປັນປະທານກອງປະຊຸມ)
ຕອນເຊົ້າວັນທີ 18 ມີນາ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມທາງອອນລາຍສະຫຼຸບ 10 ປີແຫ່ງການປະຕິບັດການຄ້ຳປະກັນດ້ານສະບຽງອາຫານແຫ່ງຊາດຮອດປີ 2020 ເພື່ອແນໃສ່ຕີລາຄາໂດຍສັງເຂບ, ຖອດຖອນບັນດາບັນຫາໃຫຍ່ກ່ຽວກັບການຄ້ຳປະກັນດ້ານສະບຽງອາຫານຂອງປະເທດຊາດ.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີເນັ້ນໜັກວ່າ, ເລື່ອງຄ້ຳປະກັນດ້ານສະບຽງອາຫານທັງແມ່ນໜ້າທີ່ໃນຕໍ່ໜ້າ, ທັງແມ່ນໜ້າທີ່ຍຸດທະສາດຢ່າງຍາວນານ. ທ່ານນາຍົກລັດຖະມົນຕີໄດ້ຕີລາຄາວ່າ, ພາຍຫຼັງໄລຍະ 10 ປີ ແຫ່ງການປະຕິບັດແຜນຮ່າງ, ຂະແໜງກະສິກຳຫວຽດນາມເວົ້າລວມ, ການຜະລິດສະບຽງອາຫານເວົ້າສະເພາະ, ບັນລຸໄດ້ບັນດາຜົນງານຢ່າງຮອບດ້ານ...ກ່ຽວກັບໜ້າທີ່ໃນໄລຍະຈະມາເຖິງ, ທ່ານນາຍົກລັດຖະມົນຕີຫງວຽນຊວັນຟຸກ, ເນັ້ນໜັກວ່າ.
“ການປະກອບສ່ວນເຂົ້າໃນການຄ້ຳປະກັນດ້ານສະບຽງອາຫານຂອງໂລກແມ່ນມີຄວາມຈຳເປັນ, ແຕ່ກ່ອນອື່ນໝົດຕ້ອງຮັບໃຊ້ໃຫ້ປະຊາຊົນຫວຽດນາມ ເກືອບ 100 ລ້ານຄົນກ່ອນ.ການສະສົມທັນຍາຫານ, ຮັບປະກັນສະຖຽນລະພາບແມ່ນມີຄວາມໝາຍສຳຄັນພິເສດ. ນີ້ແມ່ນປະເພດສິນຄ້າຕົ້ນຕໍ, ແມ່ນຍຸດທະສາດ.ສະນັ້ນ, ການຄ້ຳປະກັນ ສະຖຽນລະພາບໃຫ້ແກ່ປະຊາຊົນແມ່ນໜ້າທີ່ຂອງພັກ, ລັດຫວຽດນາມ.”
(ແຫຼ່ງຄັດຈາກ VOV)
