ທ່ານເລຂາທິການໃຫຍ່ ຫງວຽນຝູຈ້ອງ ໄດ້ໄປຖະຫວາຍທູບທຽນອາໄລຫາທ່ານອະດີດເລຂາທິການໃຫຍ່ ເລຢວນ, ຜູ້ນຳທີ່ມີອິດທິພົນຊື່ສຽງ, ດ້ວຍການເຄື່ອນໄຫວປະຕິວັດໃນໄລຍະເວລາ 60 ປີ ແລະ ດຳລົງຕຳແໜ່ງເປັນເລຂາເອກ ແລະ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ເປັນເວລາ 26 ປີຢ່າງລຽນຕິດ ແຕ່ປີ 1960 – 1986. ທ່ານອະດີດເລຂາທິການໃຫຍ່ ເລຢວນ ໄດ້ອຸທິດຕະຫຼອດຊີວິດຂອງຕົນເພື່ອພາລະກິດຕໍ່ສູ້ປົດປ່ອຍຊາດ, ເພື່ອຄວາມຄາດຫວັງຢາກທ້ອນໂຮມປະເທດຊາດເປັນເອກະພາບ, ພ້ອມທັງເປັນນັກທິດສະດີຜູ້ດີເດັ່ນ, ມີຈິນຕະນາການປະດິດຄິດສ້າງຂອງການປະຕິວັດ ຫວຽດນາມ ດ້ວຍທິດນຳ “ການປະຕິວັດແມ່ນການປະດິດຄິດສ້າງ, ແມ່ນສັດຈະທຳທີ່ລະອຽດ”. ຫຼັງຈາກນັ້ນ, ທ່ານເລຂາທິການໃຫຍ່ ຫງວຽນຝູຈ້ອງ ໄດ້ໄປຖະຫວາຍທູບທຽນອາໄລຫາອະດີດເລຂາທິການໃຫຍ່ ເຈື່ອງຈິງ, ທ່ານອະດີດເລຂາທິການໃຫຍ່ ໂດ້ເມື່ອຍ ແລະ ທ່ານອະດີດເລຂາທິການໃຫຍ່ ເລຂາຟຽວ.
(ແຫຼ່ງຄັດຈາກ VOV)