ຂ່າວສານ
ທ່ານຮອງນາຍົກລັດຖະມົນຕີ ຫວູດຶກດາມ: ລະດົມທຸກແຫຼ່ງກຳລັງເພື່ອຕ້ານໂລກລະບາດໂຄວິດ - 19 ຢູ່ນະຄອນໂຮ່ຈີມິນ
ຕ້ອງຖືປະສິດທິຜົນເໜືອກ່ວາສິ່ງໃດໝົດ ແລະ ລະດົມທຸກແຫຼ່ງກຳລັງສາທາລະນະສຸກ ເພື່ອຕ້ານໂລກລະບາດໂຄວິດ - 19, ບໍ່ຈຳແນກວຽກງານສາທາລະນະ ຫຼື ເອກະຊົນ, ກອງທັບ ຫຼື ພົນລະເຮືອນ, ສູນກາງ ຫຼື ທ້ອງຖິ່ນ. ກ່າວຄຳເຫັນທີ່ການເຮັດວຽກ, ກວດກາວຽກງານປ້ອງກັນ, ຕ້ານໂລກລະບາດໂຄວິດ - 19 ຢູ່ໂຮງໝໍເສນາຮັກ 175 (ນະຄອນໂຮ່ຈີມິນ), ຕອນເຊົ້າວັນທີ 27 ກໍລະກົດ, ທ່ານຮອງນາຍົກລັດຖະມົນຕີ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ໄດ້ເນັ້ນໜັ້ກວ່າ ນະຄອນໂຮ່ຈີມິນ ຕ້ອງຍູ້ແຮງວຽກງານຮັບປະກັນຊີວິດການເປັນຢູ່ຂອງປະຊາຊົນກ່ວາອີກ, ຂົນຂວາຍ ແລະ ສ້າງເງື່ອນໄຂດີທີ່ສຸດ ເພື່ອໃຫ້ບັນດາການເຄື່ອນໄຫວທຳການກູ້ສົນຂອງ ອຳນາດການປົກຄອງ, ແນວໂຮມປະເທດຊາດ, ບັນດາອົງການຈັດຕັ້ງ, ສ່ວນບຸກຄົນ ໄດ້ຮັບການຜັນຂະຫຍາຍຢ່າງປອດໄພ, ລົງຮອດມືຂອງປະຊາຊົນທີ່ຕ້ອງການການໜູນຊ່ວຍ, ບັນດາຂະແໜງການ, ທ້ອງຖິ່ນຕ້ອງເພີ່ມທະວີປະສິດທິຜົນຂອງວຽກງານເບິ່ງແຍງດູແລ, ປິ່ນປົວໃຫ້ແກ່ຜູ້ຕິດເຊື້ອ, ກຳນົດໄດ້ເປົ້າໝາຍບຸລິມະສິດຢ່າງລະອຽດ ໃຫ້ແກ່ແຕ່ລະຊັ້ນໃນຮູບແບບປິ່ນປົວພະຍາດໂຄວິດ - 19 ຕາມ 5 ຊັ້ນ ຢູ່ນະຄອນ ໂຮ່ຈີມິນໃນປັດຈຸບັນ. ໃນໄລຍະປັດຈຸບັນ, ໜ້າທີ່ຂອງນະຄອນໂຮ່ຈີມິນ ແມ່ນຮັບປະກັນການປະຕິບັດຂໍ້ກຳນົດຮັກສາໄລຍະຫ່າງໃນສັງຄົມ ເພື່ອປ້ອງກັນ, ຕ້ານໂລກລະບາດໂຄວິດ - 19 ຢ່າງເຂັ້ມງວດ, ປົກປ້ອງຄວາມປອດໄພໃຫ້ແກ່ພະນັກງານການແພດ ທີ່ແມ່ນແຫຼ່ງກຳລັງໃນການປ້ອງກັນ, ຕ້ານໂລກລະບາດໂຄວິດ - 19 ແລະ ຍົກສູງປະສິດທິຜົນຂອງວຽກງານປະສານງານ, ຮ່ວມມືລະຫວ່າງບັນດາຂະແໜງການ, ທ້ອງຖິ່ນ, ໜ່ວຍງານໃນການ ຂົນສົ່ງ, ວິໄຈຫາເຊື້ອ, ຮັບປິ່ນປົວໃຫ້ຜູ້ຕິດເຊື້ອພະຍາດໂຄວິດ - 19 ລະຫວ່າງບັນດາສາຍ.
(ແຫຼ່ງຄັດຈາກ VOV)
